UPSC Engineering Jobs : ఇంజినీరింగ్, డిప్లొమాలు చేసి ప్రభుత్వ ఉద్యోగాల కోసం ప్రిపేర్ అవుతున్న అభ్యర్థులకు శుభవార్త. యూనియన్ పబ్లిక్ సర్వీస్ కమిషన్ (UPSC) 167 ఇంజినీరింగ్ పోస్టుల భర్తీ కోసం నోటిఫికేషన్ విడుదల చేసింది. ఆసక్తి గల అభ్యర్థులు ఆన్లైన్లో దరఖాస్తు చేసుకోవాల్సి ఉంటుంది.
ఉద్యోగాలు - విభాగాలు
UPSC Engineering Services Vacancy : సివిల్, మెకానికల్, ఎలక్ట్రికల్, ఎలక్ట్రానిక్స్ & టెలికమ్యునికేషన్ ఇంజినీరింగ్ విభాగాల్లో ఉద్యోగాలు ఉన్నాయి.
విద్యార్హతలు
UPSC IES Eligibility : ఆయా పోస్టులను అనుసరించి అభ్యర్థులు గుర్తింపు పొందిన విశ్వవిద్యాలయం లేదా విద్యా సంస్థ నుంచి బీఈ, బీటెక్, డిప్లొమా ఉత్తీర్ణత సాధించి ఉండాలి. లేదా ఆయా పోస్టులను అనుసరించి ఎంఎస్సీ (వైర్లెస్ కమ్యునికేషన్, ఎలక్ట్రానిక్స్, రేడియో ఫిజిక్స్, రేడియో ఇంజినీరింగ్)లో క్వాలిఫై అయ్యుండాలి.
వయోపరిమితి
UPSC IES Age Limit :అభ్యర్థుల వయస్సు 2024 జనవరి 1 నాటికి 21 ఏళ్ల నుంచి 30 ఏళ్ల మధ్యలో ఉండాలి.
దరఖాస్తు రుసుము
UPSC IES Application Fee :జనరల్, ఓబీసీ అభ్యర్థులు అప్లికేషన్ ఫీజుగా రూ.200 ఆన్లైన్లో చెల్లించాలి. అయితే ప్రభుత్వ నిబంధనల ప్రకారం, ఎస్సీ, ఎస్టీ, మహిళలు, దివ్యాంగులకు మాత్రం దరఖాస్తు రుసుము నుంచి పూర్తి మినహాయింపు ఇచ్చారు.
ఎంపిక ప్రక్రియ
UPSC IES Selection Process :అభ్యర్థులకు ముందుగా ప్రిలిమినరీ పరీక్ష నిర్వహిస్తారు. ఇందులో ఉత్తీర్ణులైనవారిని మెయిన్ పరీక్షకు ఎంపిక చేస్తారు. ఇందులోనూ క్వాలిఫై అయిన వారికి పర్సనాలిటీ టెస్ట్, మెడికల్ ఎగ్జామినేషన్, సర్టిఫికెట్ వెరిఫికేషన్ చేసి.. ఆయా పోస్టులకు ఎంపిక చేస్తారు.
దరఖాస్తు విధానం
UPSC IES Application Process :అభ్యర్థులు యూపీఎస్సీ అధికారిక వెబ్సైట్ https://upsc.gov.in/ లో దరఖాస్తు చేసుకోవాల్సి ఉంటుంది. పూర్తి వివరాల కోసం యూపీఎస్సీ ఇంజినీరింగ్ జాబ్స్ నోటిఫికేషన్ను చూడండి.
- ఆంధ్రప్రదేశ్, తెలంగాణల్లోని ప్రిలిమినరీ పరీక్ష కేంద్రాలు :విశాఖపట్నం, తిరుపతి, హైదరాబాద్
- ఆంధ్రప్రదేశ్, తెలంగాణాల్లోని మెయిన్ పరీక్ష కేంద్రాలు : విశాఖపట్నం, హైదరాబాద్
ముఖ్యమైన తేదీలు
UPSC Engineering Services Important Dates :
- దరఖాస్తు స్వీకరణ ప్రారంభ తేదీ : 2023 సెప్టెంబర్ 6
- దరఖాస్తుకు ఆఖరు తేదీ : 2023 సెప్టెంబర్ 26
- దరఖాస్తు సవరణకు అవకాశం : 2023 సెప్టంబర్ 27 నుంచి అక్టోబర్ 3 వరకు
- ప్రిలిమినరీ పరీక్ష తేదీ : 2024 ఫిబ్రవరి 18
