సివిల్ సర్వీసెస్ (మెయిన్స్) 2020 ఫలితాలను యూనియన్ పబ్లిక్ సర్వీస్ కమిషన్ (యూపీఎస్సీ) మంగళవారం విడుదల చేసింది. త్వరలోనే దిల్లీలోని ధోల్పుర్ హౌస్లో ఇంటర్వ్యూ (ముఖాముఖి) పరీక్ష నిర్వహిస్తామని తెలిపింది.
34 మంది జామియా మిలియా ఇస్లామియా రెసిడెన్షియల్ కోచింగ్ అకాడమీ విద్యార్థులు మెయిన్స్లో పాసయ్యారు. ఈ మేరకు విశ్వవిద్యాలయం ఓ ప్రకటన విడుదల చేసింది.
ఏటా మూడు దశల్లో (ప్రిలిమినరీ, మెయిన్స్, ఇంటర్వ్యూ) సివిల్స్ పరీక్షలు జరుగుతాయి. ఐఏఎస్, ఐపీఎస్, ఐఎఫ్ఎస్ సహా ఇతర నియామకాలకు వీటిని నిర్వహిస్తారు.
ఇంటర్వ్యూ కోసం అభ్యర్థులు తమ ధ్రువపత్రాలను సిద్ధం చేసుకోవాలని కేంద్ర సిబ్బంది వ్యవహారాల శాఖ తెలిపింది. ఈ-సమన్ లెటర్స్ను www.upsc.gov.in & www.upsconline.in వెబ్సైట్లలో త్వరలోనే అందుబాటులో ఉంచనున్నట్లు పేర్కొంది. వాటిని భౌతికంగా (పేపర్ సమన్ లెటర్) జారీ చేయడం లేదని స్పష్టం చేసింది. సాధారణ పరిస్థితుల్లో అభ్యర్థులు తమ ఇంటర్వ్యూ తేది, సమయాన్ని మార్చుకోవడానికి వీల్లేదని తెలిపింది.
ఇదీ చూడండి:'కేంద్ర ఉద్యోగులు కార్యాలయాలకు రావాల్సిందే'
