ఆ వ్యక్తి ఓ వార్డుకు మాజీ కౌన్సిలర్. ఆ వార్డు నుంచి మరోసారి కౌన్సిలర్గా పోటీ చేయాలని భావించాడు. అయితే అతని ఆశలపై అధికారులు నీళ్లు చల్లారు. ఆ స్థానాన్ని మహిళలకు రిజర్వ్ చేస్తు ఉత్తర్వులు జారీ చేశారు. ఆ సమయానికి ఇంకా పెళ్లి చేసుకోని కౌన్సిలర్.. అధికారుల నిర్ణయంతో కంగుతిన్నాడు. ఇక చేసేదేం లేక ఎన్నికల కోసం పెళ్లి చేసుకున్నాడు. నామినేషన్ గడువు ముగిసే కొన్ని గంటల ముందు ఓ ఇంటి వాడయ్యాడు. ఉత్తర్ప్రదేశ్లో ఈ ఘటన జరిగింది.
ఎన్నికల కోసం పెళ్లి.. నామినేషన్కు ముందు ఏడడుగులు.. భార్యకు పదవి గిఫ్ట్!
ఎన్నికల్లో పోటీ చేసేందుకు ఓ వ్యక్తి పెళ్లి పీటలెక్కాడు. అనంతరం భార్యతో నామినేషన్ వేయించాడు. రిజర్వేషన్లలో భాగంగా వార్డు స్థానాన్ని మహిళలకు కేటాయించడం వల్ల ఈ నిర్ణయం తీసుకున్నాడు. నామినేషన్కు గడువు ముగిసే కొన్ని గంటలకు ముందు.. వివాహం చేసుకుని అందరిని ఆశ్చర్యానికి గురి చేశాడు.
నామినేషన్కు ముందు పెళ్లి చేసుకున్న మాజీ కౌన్సిలర్
పీలీభీత్ మున్సిపల్ కౌన్సిల్కు మరి కొన్ని రోజుల్లో ఎన్నికలు జరగనున్నాయి. అవతార్ సింగ్ అనే వ్యక్తి.. పట్టణంలోని 16 వార్డు నుంచి చివరిసారి జరిగిన ఎన్నికల్లో పోటీ చేసి గెలిచాడు. మళీ అదే స్థానం నుంచి కౌన్సిలగా బరిలోకి దిగాలని భావించాడు. వార్డు ప్రజలు కూడా అవతార్ సింగ్ పోటీలో నిలవాలని ఆకాక్షించారు. కానీ అ స్థానం మహిళలకు రిజర్వ్ కావడం వల్ల అందరూ కాస్త నిరాశకు గురయ్యాడు. కనీసం తన కుటుంబ సభ్యుల్లో ఎవరినైన పోటీలో నిలపాలని అవతార్ సింగ్కు.. వార్డు ప్రజలు సూచించారు. దీంతో శుక్రవారం కుటుంబ సభ్యులు, ప్రజల సమక్షంలో ఘనంగా పెళ్లి చేసుకున్నాడు అవతార్ సింగ్. ఈ వేడుకకు మాజీ వార్డ్ కౌన్సిలర్స్ కూడా హాజరయ్యారు. ప్రస్తుతం ఈ పెళ్లి చుట్టుపక్క ప్రాంతాల్లో చర్చనీయాంశంగా మారింది. తన భార్యను ఎన్నికల్లో పోటీకి నిలిపి.. ఆమెకు కౌన్సిలర్ పదవిని కానుకగా ఇస్తానని అవతార్ సింగ్ తెలిపాడు.
పదవి కోసం 45 ఏళ్ల వయసులో పెళ్లి..
వారం రోజుల క్రితం ఇలాంటి సంఘటనే ఉత్తర్ప్రదేశ్లో రాష్ట్రంలోని రాంపుర్ మున్సిపాలిటీలో జరిగింది. కాంగ్రెస్ పార్టీకి చెందిన మామూన్ షా ఖాన్ అనే వ్యక్తి.. 45 ఏళ్ల వయస్సులో పెళ్లి పీటలెక్కాడు. మున్సిపాలిటీ అధ్యక్ష పదవి కోసం ఈ పెళ్లి చేసుకున్నాడు. ఎన్నికలకు చాలా రోజుల నుంచి కసరత్తులు ప్రారంభించిన అతనికి.. అధికారులు షాక్ ఇచ్చారు. ఆ స్థానాన్ని మహిళలకు రిజర్వ్ చేస్తు నిర్ణయం తీసుకున్నారు. అనంతరం నిరాశకు గురైన ఆ వ్యక్తి చేసేది లేక.. పెళ్లి చేసుకుని భార్యను పోటీలో నిలిపాడు. ఎన్నికలకు కొన్ని నెలల ముందు నుంచే ప్రచారాన్ని మొదలుపెట్టిన ఆ వ్యక్తి.. పదవిపై ప్రేమతో ఏప్రిల్ 15న ఘనంగా వివాహం చేసుకున్నాడు. కేవలం 45 గంటల్లోనే పెళ్లి తతంగమంతా పూర్తి చేసి అందరిని ఆశ్చర్యానికి గురిచేశాడు. పూర్తి వార్త కోసం ఇక్కడ క్లిక్ చేయండి.