బిహార్లో ఓ వింత వివాహం జరిగింది. పెళ్లి కోసం నాలుగు గంటల పాటు పెరోల్పై విడుదయ్యాడు ఓ యువకుడు. అత్యాచారం కేసులో జైలులో ఉన్న ఆ యువకుడు.. బయటకు వచ్చి బాధితురాలినే పెళ్లి చేసుకున్నాడు. ఈ ఘటన గోపాల్‌గంజ్ జిల్లాలో జరిగింది. 20 రోజుల క్రితం అత్యాచారం కేసులో జైలుకెళ్లిన యువకుడు.. బాధితురాలితో కలిసి పెళ్లిపీటలెక్కాడు. ప్రస్తుతం ఈ పెళ్లి చుట్టుపక్క ప్రాంతాల్లో చర్చనీయాంశంగా మారింది.
ఇదీ జరిగింది
ఆరోపణలు ఎదుర్కొంటున్న యువకుడి పేరు.. రాహుల్ కుమార్. ఇతడు బగాహా పోలీస్ స్టేషన్ పరిధిలోని మాచర్‌గావ్ గ్రామానికి చెందిన వ్యక్తి. రాహుల్ కుమార్ హజీపుర్లో ఇంజనీరింగ్ చదివాడు. బాధిత యువతి ఉత్తర్ప్రదేశ్కు చెందిన అమ్మాయి. వీరిద్దరు మంచి స్నేహితులు. కొద్ది రోజుల తరువాత వీరి స్నేహం కాస్తా.. ప్రేమగా మారింది. ఇద్దరు కలిసి పెళ్లి కూడా చేసుకోవాలని నిర్ణయించుకున్నారు. అయితే మార్చి 4వ తేది వీరిద్దరు గోపాల్ గంజ్లోని ఓ గుడికి వెళ్లారు. రోజంతా జాలీగా తిరిగారు. అనంతరం ఆ రోజు రాత్రి రాహుల్ కుమార్ స్నేహితుని ఇంటికి వెళ్లారు. ఆ రాత్రి జరిగిన ఘటనతో యువతి ఆరోగ్యం క్షీణించింది. ప్రైవేటు భాగంలో రక్తస్త్రావం కూడా అయింది.
దీంతో మరుసటి రోజు ఉదయం యువతిని.. గోపాల్ గంజ్లోని సదర్ ఆసుపత్రికి తీసుకెళ్లాడు రాహుల్. యువతి పరీక్షించిన అక్కడి వైద్యులకు అనుమానం వచ్చింది. యువతి అత్యాచారానికి గురైనట్లు వైద్యులు అభిప్రాయపడ్డారు. వెంటనే స్థానిక పోలీసులకు సమాచారం అందించారు. అక్కడికి వచ్చిన పోలీసులు.. ఘటనపై కేసు నమోదు చేసుకున్నారు. రాహుల్పై అత్యాచార ఆరోపణలతో అరెస్ట్ చేసి జైలుకు పంపించారు.
పెరోల్ కోసం కోర్టుకెళ్లిన రాహుల్..
అయితే జైలులో ఉన్న రాహుల్.. పెరోల్ కోసం కోర్టుకు వెళ్లాడు. తాను యువతిపై అత్యాచారం చేయలేదని.. తామిద్దరం ప్రేమలో ఉన్నామని కోర్టుకు తెలిపాడు. యువతిని పెళ్లి చేసుకుంటానని.. అందుకు పెరోల్ కావాలని న్యాయస్థానాన్ని కోరాడు. యువకుడు అభ్యర్థనను పరిగణలోకి తీసుకున్న కోర్టు.. నాలుగు గంటల పాటు రాహుల్కు పెరోల్ మంజూరు చేసింది.
రాహుల్ విడుదలకు కుటుంబ సభ్యుల డిమాండ్..
రాహుల్ను విడుదల చేయాలని అతడి కుటుంబ సభ్యుల కోరుతున్నారు. రాహుల్ సదరు యువతిపై అత్యాచారం చేయలేదని.. వారిద్దరు ప్రేమించుకున్నారని చెబుతున్నారు. రాహుల్ శిక్షను రద్దు చేయాలని డిమాండ్ చేస్తున్నారు. వారిద్దరు మేయర్లని, వారికి ప్రేమిచుకునే హక్కు, పెళ్లి చేసుకునే అర్హత ఉన్నాయని తెలిపారు. ఇప్పుడు బాధితురాలిని రాహుల్ పెళ్లి చేసుకున్నాడని.. అందుకైనా అతడిని విడుదల చేయాలని కోరుతున్నారు.
