కుమార్తె పెళ్లిలో స్టెప్పులేసిన కేంద్ర మంత్రి
పార్లమెంటరీ వ్యవహారాల శాఖ మంత్రి ప్రహ్లాద్ జోషి.. స్టెప్పులతో అందరినీ అలరించారు. కుమార్తె వివాహ వేడుకలో డ్యాన్సు చేశారు. సతీమణితో కలిసి పాత కన్నడ సినిమాలోని ఓ పాటకు స్టెప్పులేశారు. జోషి.. డ్యాన్స్ చేసిన దృశ్యాలు సామాజిక మాధ్యమాల్లో వైరల్ అయ్యాయి.
జోషి కుమార్తె అర్పిత.. బెంగళూరుకు చెందిన వ్యాపారవేత్త రిషికేశ్ను వివాహమాడారు. కర్ణాటకలోని హుబ్లీలో ఈ పెళ్లి జరిగింది. కర్ణాటక గవర్నర్ థావర్ చంద్ గహ్లోత్, సీఎం బసవరాజ బొమ్మై, కర్ణాటక శాసనమండలి ఛైర్మన్ బసవరాజ్ హోరత్తి తదితరులు ఈ వివాహానికి హాజరయ్యారు.