ఐస్క్రీం బాక్స్లో చిక్కుకొని ఇద్దరు పిల్లలు ప్రాణాలు కోల్పోయారు. బాక్స్ తలుపు లాక్ అవడం వల్ల ఈ దుర్ఘటన జరిగింది. కర్ణాటక మైసూరు జిల్లాలోని మసాజే గ్రామంలో ఈ విషాదం జరిగింది. మృతులను.. భాగ్య (12), కావ్యగా (7) గుర్తించారు. భాగ్య.. నాగరాజు-చిక్కదేవమ్మ దంపతుల కుమార్తె కాగా.. కావ్య, రాజనాయక-గౌరమ్మ దంపతుల కుమార్తె. వీరంతా అదే గ్రామానికి చెందిన వారు.
పాపం.. ఐస్క్రీం బాక్స్లో చిక్కుకొని పిల్లలు మృతి
కర్ణాటకలోని మైసూరు జిల్లాలో విషాదం జరిగింది. దాగుడుమూతల ఆటలో భాగంగా ఐస్క్రీం బాక్స్లోకి దూరిన బాలికలు అందులో చిక్కుకొని ప్రాణాలు కోల్పోయారు.
దాగుమూతల
దాగుడుమూతల ఆట ఆడుకుంటున్న భాగ్య, కావ్య.. ఆటలో భాగంగా దాక్కునేందుకు అక్కడే ఉన్న ఐస్క్రీం బాక్స్లోకి దూరారు. ఇంతలో ఆ బాక్స్ మూతపడి లాక్ అయింది. అరగంట సేపు తర్వాత పిల్లలు ఎంతకీ కనిపించకపోవడం వల్ల అనుమానం వచ్చి ఐస్క్రీం బాక్స్ తెరిచి చూసేసరికి ఆ బాలికలు విగతజీవులుగా పడి ఉన్నారు. బాక్స్లో ఊపిరి ఆడకపోవడం వల్ల ప్రాణాలు కోల్పోయారు. ప్రమాదవశాత్తు జరగడం వల్ల ఈ ఘటనకు సంబంధించి బాధిత కుటుంబాలు పోలీసులకు ఎలాంటి ఫిర్యాదును చేయలేదు.
ఇదీ చూడండి :ముహుర్తం టైం దాటినా బరాత్లో స్టెప్పులు.. వరుడ్ని చితకబాది, పెళ్లి క్యాన్సిల్!