తన వయసులో ఎవరూ సాధించలేని ఘనతను 12 ఏళ్ల బాలిక సొంతం చేసుకుంది. విశ్వవిద్యాలయ స్థాయి వారికే కఠినమైన పరీక్షలో అలవోకగా ఉత్తీర్ణురాలైంది.
ఇంతకీ కథేంటంటే..
జమ్ముకశ్మీర్ శ్రీనగర్లోని షాలిమార్కు చెందిన ఆ బాలిక పేరు జైనాబ్ మసూమా. ఎనిమిదో తరగతి చదువుతోంది. ఇంగ్లీష్ భాషా సామర్థ్యాన్ని పరీక్షించే అంతర్జాతీయ ఆంగ్ల పోటీ పరీక్ష.. టోఫెల్(టీఓఈఎఫ్ఎల్)లో 120 పాయింట్లకు 115పాయింట్లు పొంది అందరినీ అబ్బురపరిచింది.
టోఫెల్ పరీక్షలో 120కి 115 మార్కులు సాధించిన జైనాబ్ "ఇది నిజంగా పెద్ద విజయం. మాకు చాలా సంతోషంగా ఉంది. జైనాబ్ మాదిరిగా లోయలో చాలా మంది పిల్లలు ఉన్నారు. వారికి సరైన సంరక్షణ, మార్గదర్శకత్వం ఇస్తే కశ్మీర్‌ను ప్రపంచవ్యాప్తంగా గర్వించేలా చేస్తారు."
-జైనాబ్ తల్లిదండ్రులు
టోఫెల్ పరీక్షను ప్రపంచ వ్యాప్తంగా 150 దేశాల్లో 11 వేల విశ్వవిద్యాలయాలు నిర్వహిస్తాయి. దీని ముఖ్య ఉద్దేశం ప్రపంచ స్థాయి ఇంగ్లీష్ సామర్థ్యాల్ని పరీక్షించడం.
జైనాబ్ సాధించిన అవార్డులు ఇందులో నాలుగు స్థాయిలు ఉన్నాయి
- మొదటిది ప్రాథమిక స్థాయి: ఈ పరీక్ష 8 సంవత్సరాల వయస్సు అంతకంటే ఎక్కువ వారికి.
- రెండో స్థాయి:11 ఏళ్లు పైబడిన వారికోసం.
- మూడో స్థాయి: టోఫెల్ ఐటీపీ- 16 ఏళ్లు పైబడిన వారికి సంబంధించింది.
- నాలుగో స్థాయి: టోఫెల్ ఐబీటీ: గ్రాడ్యుయేషన్, పోస్టు గ్రాడ్యుయేషన్లో ప్రవేశం పొందే వారి కోసం ఉద్దేశించింది.
టీఓఈఎఫ్ఎల్(టోఫెల్): టెస్ట్ ఆఫ్ ఇంగ్లీష్ యాస్ ఏ ఫారెన్ లాంగ్వేజ్.
ఇదీ చదవండి:పర్యటకులను ఆకర్షిస్తోన్న 'తులిప్' అందాలు
