అసెంబ్లీ సమావేశాలు జరుగుతున్న సమయంలో త్రిపురలో ఓ బీజేపీ ఎమ్మెల్యే ఫోన్లో అశ్లీల వీడియోలు చూస్తూ పట్టుబడ్డారు. ప్రస్తుతం దీనికి సంబంధించిన వీడియో నెట్టింట వైరల్గా మారింది. కాగా, చట్టసభలోనే పోర్న్ వీడియోస్ను చూసిన ఎమ్మెల్యే.. బీజేపీకి చెందిన జదబ్ లాల్ నాథ్.
త్రిపుర రాజధాని అగర్తలాలో సోమవారం అసెంబ్లీ సమావేశాలు ప్రారంభమయ్యాయి. ఈ క్రమంలోనే సమావేశాల రెండో రోజే రాష్ట్ర బీజేపీ ఎమ్యెల్యేగా ఉన్న జదబ్ లాల్ నాథ్ ఇలా సభలోనే పోర్న్ వీడియోలు చూస్తూ కనిపించారు. ఈ ఘటన మంగళవారం జరగ్గా తాజాగా వెలుగులోకి వచ్చింది. ఈ వీడియోను ఎవరో సోషల్ మీడియాలో పోస్ట్ చేయడం వల్ల ప్రస్తుతం ఈ అంశం చర్చనీయాంశమైంది. ఈ వీడియోలో ఎమ్మెల్యే టాబ్లెట్ పట్టుకుని అశ్లీల వీడియోలు చూస్తున్నట్లు స్పష్టంగా కనిపిస్తోంది. ఈ వీడియోను చూసిన కొందరు నెటిజన్లు ఒక ప్రజాప్రతినిధి అయి ఉండి చట్టసభల్లో ఇలా ప్రవర్తించడం చాలా సిగ్గుచేటు అంటూ మండిపడుతున్నారు. కాగా, ఈ ఘటనపై అసెంబ్లీ స్పీకర్ బిస్వా బంధు సేన్ నుంచి ఎటువంటి స్పందన లేదు.
ప్రస్తుతం జీబేపీలో కొనసాగుతున్న జదబ్ ఇంతకుముందు సీపీఎం పార్టీలో ఉన్నారు. 2018 ఎన్నికలకు ముందే ఈయన బీజేపీలో చేరారు. అదే ఎన్నికల్లో బీజేపీ టికెట్పై పోటీ చేశారు. జదబ్ నాథ్ 2018లో జరిగిన అసెంబ్లీ ఎన్నికల్లో సీపీఎం అభ్యర్థి, అసెంబ్లీ మాజీ స్పీకర్ రామేంద్ర చంద్ర దేబ్నాథ్పై పోటీ చేసి ఓటమి పాలయ్యారు. అయితే ఇటీవలే త్రిపురలో జరిగిన అసెంబ్లీ ఎన్నికల్లో ఈయన బాగ్బాషా అసెంబ్లీ నియోజకవర్గం నుంచి పోటీ చేసి గెలుపొందారు.
దేశంలోని వివిధ రాష్ట్రాల అసెంబ్లీల్లో ఇలాంటి ఘటనలు జరగడం మొదటిసారేమీ కాదు. ఇటువంటి ఉదంతాలు ఇంతకుముందు అనేకం జరిగాయి. అప్పడప్పుడు ఇతర దేశాల చట్టసభల్లోనూ ఇలాంటి సంఘటనలు జరుతుంటాయి.
పోర్న్ చూసి..రాజీనామా చేసి..
పార్లమెంటులో పోర్న్ వీడియోలు చూశారని తీవ్ర విమర్శలపాలైన బ్రిటన్ అధికార కన్జర్వేటివ్‌ పార్టీ ఎంపీ 65 ఏళ్ల నీల్ పారిష్.. ఏకంగా తన పదవినే కోల్పోవాల్సి వచ్చింది. ఓ ట్రాక్టర్ వెబ్సైట్ చూద్దామనుకుంటే అదే పేరుతో ఉన్న పోర్న్ సైట్ ఓపెన్ అయిందని, కాసేపు అది చూశానని స్వయంగా ఎంపీనే అంగీకరించారు. బ్రిటన్ పార్లమెంటు దిగువ సభలో కూర్చుని, మొబైల్ ఫోన్లో నీలి చిత్రాలు చూశారనే ఆరోపణల కారణంగా ఆయన తన పదవికే రాజీనామా చేశారు. సొంత పార్టీ ఎంపీల నుంచే వ్యతిరేకత రావడం వల్ల ఆయన రిజైన్ చేయక తప్పలేదు.
