గన్​తో ఆడుతూ ట్రిగ్గర్​ నొక్కిన బాలుడు.. రెండేళ్ల చిన్నారి మృతి

తండ్రి తుపాకీతో ఆడుకుంటూ పొరపాటున రెండేళ్ల తమ్ముడిని కాల్చాడు అన్నయ్య. హిమాచల్​ప్రదేశ్​లో జరిగిన ఈ ఘటనలో బాలుడు అక్కడిక్కడికే మృతి చెందాడు. విషయం తెలుసుకున్న పోలీసులు.. ఆ తుపాకీని స్వాధీనం చేసుకున్నారు.

హిమాచల్​ ప్రదేశ్​లో విషాద ఘటన జరిగింది. మీర్పూర్​ జిల్లాకు చెందిన ఇద్దరు అభంశుభం తెలియని చిన్నారులు తండ్రి తుపాకీతో ఆడుకున్నారు. తుపాకీ చేతిలో పట్టుకున్న అన్నయ్య అకస్మాత్తుగా ట్రిగ్గర్ బటన్​​ నొక్కేయడం వల్ల బుల్లెట్​ తన రెండేళ్ల తమ్ముడి నోటి నుంచి దూసుకెళ్లింది. ఈ ఘటనలో పిల్లవాడు అక్కడిక్కడే మృతి చెందాడు.

ఇదీ జరిగింది.. జిల్లాలోని హమీర్​పుర్​ సమీపంలో ఉన్న ఉమరీ గ్రామానికి చెందిన జైరాం కుమారుడు బాలాదిన్​ కుష్వహా.. ముస్క్రా డెవలప్​మెంట్​ బ్లాక్​లో సెక్రటరీగా విధులు నిర్వహిస్తున్నాడు. బుల్లెట్లతో నిండి ఉన్న తుపాకీని శుక్రవారం మధ్యాహ్నం.. గదిలో పెట్టి వేరే పనులు చూసుకుంటున్నాడు. అది గమనించిన బాలాదిన్​ ఇద్దరు కుమారులు గదిలోకి వెళ్లి తుపాకీతో ఆడుకోవడం మొదలుపెట్టారు. ఒకరినొకరు పిస్టల్​తో చంపుకున్నట్టు ఆడుకున్నారు. అకస్మాత్తుగా బాలాదిన్​ పెద్ద కొడుకు తుపాకీ ట్రిగ్గర్​ బటన్​ నొక్కేశాడు. చిన్న కొడుకు సిద్ధార్థ్​​(2) నోటి నుంచి బుల్లెట్​ దూసుకెళ్లింది. బాలుడు అక్కడిక్కడే మృతిచెందాడు.

మృతి చెందిన రెండేళ్ల బాలుడు

గమనించిన కుటుంబసభ్యులు వెంటనే బాలుడ్ని.. ఆసుపత్రికి తరలించినా లాభం లేకుండాపోయింది. అప్పటికే బాలుడు మృతి చెందినట్లు వైద్యులు నిర్ధరించారు. ఈ ఘటన ప్రమాదవశాత్తు జరిగినందున ఎవరిపైనా చర్యలు తీసుకోలేదని, పిస్టల్‌ను స్వాధీనం చేసుకుని రద్దుకు పంపామని అధికారులు తెలిపారు.

ఇవీ చదవండి:సరిహద్దు దాటి భారత్​లోకి మూడేళ్ల బాలుడు.. జవాన్లు ఏం చేశారంటే?