బిహార్ ముఖ్యమంత్రి నీతీశ్ కుమార్ కాన్వాయ్ వస్తుందని 15 నిమిషాల పాటు రైలును ఆపారు. దీంతో విసిగెత్తిపోయిన ప్రయాణికులు రైలు దిగి వెళ్లిపోయారు. బక్సర్ జిల్లాలో ఈ ఘటన జరిగింది. ఈస్ట్ ఇటాడి రైల్వే క్రాసింగ్ వద్ద ఇలా రైలును ఆపారు. దీనిపై రైల్వే అధికారులు ఎటువంటి సృష్టతను ఇవ్వలేదు.
వివరాల్లోకి వెళితే..
ముఖ్యమంత్రి నీతీశ్ కుమార్.. బుధవారం రోడ్డు మార్గం గుండా బక్సర్ జిల్లాకు వెళ్లారు. గత కొద్ది రోజులుగా రాష్ట్రమంతా యాత్ర చేస్తున్న నీతీశ్.. ఇందులో భాగంగా బక్సర్ జిల్లా పర్యటనకు వచ్చారు. సీఎం కాన్వాయ్ ఈస్ట్ ఇటాడి రైల్వే గుంటి క్రాసింగ్ వద్దకు రాగానే.. రైల్వే గేట్ మ్యాన్ దాదాపు 15 నిమిషాల పాటు రైలును ఆపాడు. రైలు చాలా సేపు ఆగడం వల్ల ప్రయాణికులు దిగి కాలి నడకన వెళ్లిపోయారు. సీఎం వస్తున్నందునే రైలును ఆపినట్లు రైల్వే గేట్ మ్యాన్ తెలిపారు.
సీఎం కోసం రైలును ఆపిన అధికారులు.. దిగి నడుచుకుంటూ వెళ్లిన ప్రయాణికులు
సీఎం కాన్వాయ్ వస్తుందని 15 నిమిషాల పాటు రైలును నిలిపేశారు. దీంతో ప్రయాణికులు రైలు దిగి నడుచుకుంటూ వెళ్లిపోయారు.
నీతీశ్ కాన్వాయ్ కోసం 15 నిమిషాల పాటు ఆగిన రైలు
బక్సర్ పర్యటనలో ఉన్న ముఖ్యమంత్రి నీతీశ్.. జిల్లాలోని వివిధ ప్రభుత్వ పథకాలను పరీశీలించారు. అభివృద్ధి కార్యక్రమాలను పర్యవేక్షించారు. మహాదళిత్ బస్తీని సందర్శించారు. బక్సర్‌లోని హెన్వా వద్ద ఉన్న చెరువును, కత్తర్‌లో సేంద్రియ వ్యవసాయ క్షేత్రాన్ని సీఎం ఆసక్తిగా తిలకించారు. నూతన కౌన్సిల్ భవనానికి శంకుస్థాపన చేశారు. సీఎం పర్యటన సందర్భంగా భారీ బందోబస్తును ఏర్పాటు చేశారు అధికారులు.