షూ లేకుండా మీరు ద్విచక్రవాహనం నడుపుతున్నారా? అయితే ట్రాఫిక్ నిబంధనల ప్రకారం మీకు రూ.1000 ఫైన్ పడ్డట్టే.
పాదాలు కనపడేటట్లు పాదరక్షలు ధరించి బైక్ నడపడం నేరమని చెబుతోంది మోటార్ వాహనాల చట్టం. ఈ నిబంధన ఎప్పటి నుంచో ఉన్నా.. అమలుకు నోచుకోలేదు. అయితే 2019లో మోటార్ వాహనాల చట్టాన్ని సవరించిన కేంద్రం ప్రభుత్వం ఈ నిబంధనలను పకడ్బందీగా అమలు చేయాలని లక్ష్యంగా పెట్టుకుంది.
షూ లేకుండా బైక్ నడిపితే ఫైన్ చెప్పులతో ద్విచక్రవాహనం నడిపితే ఏమవుతుంది? ఆ నిబంధనన ఏం చెబుతుందో తెలుసుకుందాం.
- చెప్పులకు తగినంత పట్టు ఉండదు. కాబట్టి బైక్ గేర్ మార్చేటప్పుడు పట్టు తప్పుతుంది. రద్దీగా ఉండే ప్రదేశంలో ప్రమాదం జరగొచ్చు.
- ప్రమాదవశాత్తు కింద పడితే పాదాలకు చెప్పులు రక్షణ ఇవ్వలేవు. ఫలితంగా గాయాలు అవుతాయి.
- బైక్ రైడింగ్ చేసేటప్పుడు చేతికి గ్లౌజులు, ఇతరత్రా వస్తులు ధరించకపోయినా ఫర్వాలేదు. కానీ నాణ్యమైన హెల్మెట్, షూ తప్పనిసరి.
దేశంలో వాహనదారుల్లో క్రమశిక్షణను అలవర్చేందుకు మోటార్ వాహనాల చట్టాన్ని 2019లో సవరించింది కేంద్రం. వేర్వేరు నేరాలకు జరిమానాలను పదింతలు పెంచింది. వాహనదారులు ట్రాఫిక్ నిబంధనలు పాటించడానికి ఇది ఒక్కటే మార్గమని భావిస్తున్నట్లు చెప్పింది.
ఇదీ చూడండి:బైక్ కొనే ముందు ఇవి గుర్తుంచుకోండి!
