టూల్​ కిట్​ కేసులో ఒక్కరోజు పోలీస్​ కస్టడీకి దిశ

టూల్​ కిట్​ కేసులో అరెస్టయిన దిశ రవికి ఒక్కరోజు పోలీస్​ కస్టడీ విధించింది దిల్లీ కోర్టు. ఈ కేసులో ఇతర నిందితులు నికితా జాకబ్​, ఇంజినీర్​ శంతనుతో కలిపి దిశ రవిని విచారించేందుకు సమయం కావాలని పోలీసులు కోరగా.. కోర్టు ఈ నిర్ణయం తీసుకుంది.

రైతు నిరసనల టూల్​కిట్​ వ్యవహారంలో అరెస్టయిన పర్యావరణ కార్యకర్త దిశ రవికి.. ఒక్కరోజు పోలీస్​ కస్టడీ విధించింది దిల్లీ మెట్రో పాలిటన్ కోర్టు. సహ నిందితులు నికితా జాకబ్​, శంతనుతో కలిపి ఆమెను విచారించేందుకు సమయం కావాలని పోలీసులు కోరగా కోర్టు అంగీకరించింది.

అంతకుముందు పటియాలా హౌస్​ కోర్టు దిశ రవికి మూడు రోజులు జుడీషియల్ కస్టడీ​ విధించింది. ఆ గడువు అయిపోయినందు వల్ల పోలీసులు ఆమెను సోమవారం కోర్టు ముందు హాజరుపరిచారు.

జనవరి 26న రైతుల ఉద్యమాన్ని తీవ్రతరం చేయడానికి సంబంధించి ఓ కార్యాచరణను ఈ టూల్‌కిట్‌లో పొందుపర్చారనే ఆరోపణలతో దిశా రవిని ఫిబ్రవరి 13 న పోలీసులు బెంగళూరులో అరెస్ట్​ చేశారు.

ఇదీ చదవండి :టూల్​కిట్ కేసు: మూడు రోజుల కస్టడీకి దిశ రవి

ఇదీ చదవండి :టూల్​కిట్​ కేసులో నికిత, శంతను విచారణ