కొవిడ్ వ్యాక్సినేషన్ ప్రక్రియను వేగవంతం చేసే దిశగా దేశవ్యాప్తంగా నేటి నుంచి టీకా ఉత్సవ్ కార్యక్రమం ప్రారంభం కానుంది. అర్హులైన వారిలో ఎక్కువ మందికి టీకా అందించడమే లక్ష్యంగా.. ఇవాళ్టి నుంచి నాలుగురోజులపాటు ఈ ఉత్సవం కొనసాగనుంది.
దేశంలో కరోనా కేసులు పెరుగుతున్ననేపథ్యంలో అన్నిరాష్ట్రాల ముఖ్యమంత్రులతో ఇటీవల వర్చువల్‌గా సమావేశమైన ప్రధాని.. టీకాల పంపిణీని వేగవంతం చేసేందుకు 11నుంచి 14 వ తేదీ వరకూ టీకా ఉత్సవ్ కార్యక్రమాన్ని చేపట్టాలని సూచించారు. ప్రధాని సూచనల మేరకు టీకా ఉత్సవ్ చేపట్టేందుకు అన్ని రాష్ట్రాలు సిద్ధమయ్యాయి.