ROAD ACCIDENT: ఆటోను ఢీకొన్న డీసీఎం.. నలుగురు కూలీలు మృతి

18:28 April 27

నిజామాబాద్ శివారులో ప్రమాదం.. నలుగురు మృతి

Road Accident In Nizamabad: నిజామాబాద్‌ శివారులో జరిగిన ఘోర రోడ్డుప్రమాదంలో నలుగురు మృత్యువాత పడ్డారు. ఆటోని డీసీఎం వేగంగా వచ్చి బలంగా ఢీకొట్టడం వల్ల ప్రమాదంలో అక్కడకిక్కడే ముగ్గురు మృతి చెందగా.. పలువురు గాయపడ్డారు. గాయపడిన వారిని ఆసుపత్రికి తరలించారు. ఆసుపత్రిలో చికిత్స పొందుతూ మరొకరు మృతి చెందారు. దీంతో ఈ ప్రమాదంలో మృతుల సంఖ్య నలుగురికి చేరింది. అయితే ఘటనాస్థలం నుంచి డీసీఎం డ్రైవర్‌ పరారయ్యారు.

ప్రమాద తీవ్రతకు ఆటో నుజ్జునుజ్జు అయింది. బోధన్‌ నుంచి నిజామాబాద్‌కు వెళ్తుండగా ప్రమాదం జరిగింది. వెంటనే సమాచారం అందుకున్న పోలీసులు ఘటనాస్థలానికి చేరుకున్నారు. రోడ్డు ప్రమాదం జరిగిన ఘటన తీరును పరిశీలించారు. కేసు నమోదు చేసుకొని.. దర్యాప్తు ప్రారంభించారు. ప్రమాద సమయంలో ఆటోలో 8 మంది ప్రయాణిస్తున్నట్లు పోలీసులు గుర్తించారు. మృతి చెందిన వ్యక్తులు, గాయపడిన వారు బోధన్​ మండలం.. ఊట్​పల్లి గ్రామానికి చెందిన వాసులుగా గుర్తించారు. ఈ ఘటనతో ఆ గ్రామాల్లో తీవ్ర విషాదం నెలకొంది.

ఇవీ చదవండి: