బిహార్ అరారియాలో దారుణం జరిగింది. మూడేళ్ల చిన్నారిపై అత్యాచారానికి పాల్పడిన ఘటన వెలుగు చూసింది. బాధితురాలి తండ్రి ఫిర్యాదు మేరకు పోలీసులు నిందితుడిపై కేసు నమోదు చేసుకున్నారు. నిందితుడు కూడా మైనరేనని పోలీసులు తెలిపారు. అతడిని అరెస్టు చేశామని వెల్లడించారు.
వివరాల్లోకి వెళ్తే..
పోలీసులు తెలిపిన వివరాల ప్రకారం.. మూడేళ్ల బాలికపై అత్యాచారానికి పాల్పడి నిందితుడు ఘటనా స్థలం నుంచి పరారయ్యాడు. ప్రస్తుతం బాలిక పరిస్థితి విషమంగా ఉంది. కుటుంబ సభ్యులు బాధితురాల్ని వైద్యం కోసం ఫారబిసంగజ్ సబ్ డివిజనల్ ఆసుపత్రికి తరలించారు. నిందితుడిపై పోలీసులు వెంటనే చర్యలు చేపట్టారు. నిందితుడు కూడా బాధితురాలి గ్రామానికి చెందినవాడేనని పోలీసులు తెలిపారు.