కుప్పకూలిన మూడంతస్తుల భవనం.. ముగ్గురు మృతి

మూడంతస్తుల భవనం కుప్పకూలి ముగ్గురు మృతి చెందారు. శిథిలాల కింద మరో ముగ్గురు కూలీలు చిక్కుకున్నారు. ఈ ఘటన హరియాణాలో జరిగింది. విపత్తు నిర్వాహణ అధికారులు సహాయక చర్యలను ముమ్మరం చేశారు.

హరియాణా గురుగ్రామ్​లోని ఖావస్​పుర్​ గ్రామంలో విషాదం జరిగింది. ఆదివారం రాత్రి మూడంతస్తుల భవనం కుప్పకూలింది. ఈ ఘటనలో ముగ్గురు మృతి చెందారు. గాయపడిన ఒకరిని ఆస్పత్రికి తరలించారు.

మరో ముగ్గురు కూలీలు శిథిలాల కింద చిక్కుకుపోయినట్లు తెలుస్తోంది. వారిని బయటకు తీసేందుకు విపత్తు నిర్వహణ బృందం, పోలీసులు సహాయక చర్యలను ముమ్మరం చేశారు.

శిథిలాలను తొలగిస్తూ..

ఘటనా స్థలివద్ద పోలీసులు

మొత్తం 19 మంది కూలీలు ఈ భవనంలో నివసిస్తున్నట్లు మానేసర్ డీసీపీ వరుణ్​ సింగ్లా తెలిపారు. ఘటనా సమయంలో భవనంలో ఆరుగురు ఉన్నట్లు పేర్కొన్నారు.

ఘటనా స్థలివద్ద పోలీసులు

భవనం కుప్పకూలటానికి గల కారణాలు ఇంకా తెలియాల్సి ఉందన్నారు.

ఇదీ చదవండి:నది మధ్యలో చిక్కుకున్న కూలీలు- అతికష్టం మీద...