Car Accident: ఉత్తర్ప్రదేశ్ సుల్తాన్పుర్ జిల్లాలో ఓ కారులో మంటలు చెలరేగి ముగ్గురు సజీవ దహనమయ్యారు. గోసాయిగంజ్ పోలీస్ స్టేషన్ పరిధిలోని అర్వాల్ కిరి కర్వాట్ గ్రామ సమీపంలో ఈ ఘటన జరిగింది.
ఏమైందంటే..
లఖ్నవూ నుంచి ఆజమ్గఢ్ వెళ్తున్న ఓ కారు అదుపు తప్పి పూర్వాంచల్ ఎక్స్‌ప్రెస్‌వేపై డివైడర్ను ఢీకొట్టడం వల్ల మంటలు చెలరేగాయి. దీంతో కారు డోర్ లాక్ అయింది. కారులో ఉన్నవారు బయటకు రాలేక.. అగ్నికి ఆహుతయ్యారు. ఈ ఘటనతో రహదారిపై భారీగా ట్రాఫిక్ జామ్ అయింది.
సమాచారం అందుకున్న అగ్నిమాపక సిబ్బంది ఘటనాస్థలికి చేరుకుని మంటలు అదుపు చేశారు. పోలీసులు ట్రాఫిక్‌ను పునరుద్ధరించారు. అతివేగం వల్ల ఈ ప్రమాదం జరిగినట్లు పోలీసులు అంచనా వేశారు. కారు నంబరు ప్లేట్ ద్వారా మృతులను గుర్తించే ప్రక్రియ జరుగుతోందని అధికారులు తెలిపారు. ఆ పని పూర్తవగానే.. మృతుల కుటుంబాలకు సమాచారం అందించనున్నట్లు చెప్పారు. ఈ ఘటనపై కేసు నమోదు చేసుకున్న పోలీసులు.. దర్యాప్తు చేస్తున్నట్లు తెలిపారు.
ఇదీ చూడండి:రైలు పట్టాలపై సెల్ఫీలు- ఇద్దరు దుర్మరణం