Terrorist Attack: కశ్మీర్​లో వేర్వేరు చోట్ల ముష్కరుల దాడి.. ఒకరు మృతి

కశ్మీర్​లో(Kashmir News) వేర్వేరు చోట్ల ఉగ్రవాదులు జరిపిన దాడుల్లో(Terrorist Attack) ఓ పౌరుడు మృతిచెందాడు. మరొకరు గాయపడ్డారు. మరోచోట సీఆర్‌పీఎఫ్ బంకర్​పై ముష్కరులు గ్రనేడ్ దాడి జరిపినట్లు పోలీసులు తెలిపారు.

కశ్మీర్​లో(Kashmir News) మరోసారి ఉగ్రమూకలు రెచ్చిపోయాయి. వేర్వేరు చోట్ల ముష్కరులు జరిపిన దాడిలో(Terrorist Attack) ఒక పౌరుడు మృతిచెందాడు. మరొకరికి తీవ్రగాయాలయ్యాయి. ఈ రెండు ఘటనలు శ్రీనగర్​లోనే జరిగినట్లు పోలీసులు తెలిపారు.

మొదటి దాడి శనివారం సాయంత్రం 5:50 గంటలకు జరిగినట్లు వివరించారు. శ్రీనగర్​లోని(Srinagar News) కరన్​నగర్​కు చెందిన మజీద్​ అహ్మద్​పై కాల్పులు జరిపగా.. అతడు ఆస్పత్రిలో చికిత్స పొందుతూ మృతిచెందాడు. రాత్రి 8గంటల సమయంలో మరోసారి ముష్కరులు కాల్పులకు పాల్పడగా.. ఓ పౌరుడు తీవ్రంగా గాయపడ్డాడు.

ఈ రెండు ఘటనలపై కేసు నమోదు చేసినట్లు పోలీసులు తెలిపారు. అంతేకాక దక్షిణ కశ్మీర్​ అనంత్​నాగ్ ప్రాంతంలోని సీఆర్​పీఎఫ్ బంకర్​పై ముష్కరులు గ్రనేడ్ దాడికి(Terrorist Attack) పాల్పడ్డారని.. అది గురితప్పటం వల్ల ప్రాణనష్టం జరగలేదని పేర్కొన్నారు.

ఇదీ చూడండి:వరుస దాడులు చేస్తున్న ఆ పులి కోసం వేట షురూ..