ఉగ్రస్థావరం ధ్వంసం - భారీగా ఆయుధాలు స్వాధీనం

జమ్ముకశ్మీర్​ రాజౌరీలో ఉగ్రవాదుల రహస్య స్థావరాన్ని ధ్వంసం చేశాయి భద్రతా బలగాలు. భారీ మొత్తంలో ఆయుధాలు స్వాధీనం చేసుకున్నాయి. మరోవైపు.. బుడ్గాం జిల్లాలో ముష్కరులకు సహకరించే ముగ్గురు అనుచరులను అరెస్టు చేశారు పోలీసులు.

కశ్మీర్​లో ఉగ్ర కార్యకలాపాలు మితిమీరిపోతున్నాయి. రాజౌరీ జిల్లాలో ఉగ్రవాదుల రహస్య స్థావరాన్ని సైన్యం ధ్వంసం చేసింది. బుధాల్​ ప్రాంతంలోని ఖేట్​ చాకా వద్ద సైన్యం, పోలీసులు నిర్బంధ తనిఖీలు చేపట్టగా పెద్ద మొత్తంలో ఆయుధాలు, మందు గుండు సామగ్రి లభ్యమయ్యాయి.

ఏకే అసాల్ట్​ రైఫిల్​, 94 రౌండ్ల మ్యాగజైన్లు 3, రెండు పిస్టోళ్లు, ఐదు యూబీజీఎల్​ గ్రనేడ్లను స్వాధీనం చేసుకున్నారు సిబ్బంది.

సహాయకుల అరెస్టు..

మరోవైపు.. బుడ్గాం జిల్లాలో పోలీసులు, సీఆర్​పీఎఫ్​ సిబ్బంది కలిసి ముగ్గురు ఉగ్ర అనుచరులను అరెస్టు చేశారు. వీరు లష్కరే తోయిబాతో పాటు తెహ్రీక్​ ఉల్​ ముజాహిదీన్​ కోసం పనిచేస్తున్నట్లు తెలిసింది.

నిందితుల వద్ద నుంచి.. పెద్ద మొత్తంలో మందు గుండు సామగ్రి లభ్యమైంది. డిటోనేటర్లు, గ్రనేడ్లు, పిస్టోళ్లను స్వాధీనం చేసుకున్నారు.

వీరు బుడ్గాం, శ్రీనగర్​లలో గ్రనేడ్​ దాడులకు పాల్పడినట్లు ప్రాథమిక విచారణలో తేలింది.

ఇదీ చూడండి:89లక్షల మంది చిన్నారులకు పోలియో చుక్కలు