ఆస్పత్రిలో చెలరేగుతున్న మంటలు
ఉత్తర్ప్రదేశ్లోని ఆగ్రాలో ఘోర అగ్నిప్రమాదం జరిగింది. షాగంజ్ ప్రాంతంలో ఉన్న మధురాజ్ ఆస్పత్రిలో బుధవారం ఉదయం ఒక్కసారిగా మంటలు చెలరేగాయి. ఈ ఘటనలో ఆస్పత్రి డైరెక్టర్ రాజన్, ఆయన కుమార్తె షాలు, కుమారుడు రిషి సజీవదహనమయ్యారు.
అసలేం జరిగిందంటే?
ఆగ్రాలో జిగ్నేర్ రోడ్డులో ఉన్న మధురాజ్ ఆస్పత్రిలో బుధవారం ఉదయం ఐదు గంటల ప్రాంతంలో పెద్ద ఎత్తున మంటలు చెలరేగాయి. గమనించిన స్థానికులు.. ఘటనాస్థలికి చేరుకుని మంటలు ఆర్పేందుకు ప్రయత్నించారు. అదే సమయంలో పోలీసులకు, ఫైర్ సిబ్బందికి సమాచారం అందించారు. వెంటనే ఆస్పత్రికి వద్దకు పోలీసులు, అగ్నిమాపక సిబ్బంది చేరుకున్నారు. ఆస్పత్రి మొదటి అంతస్తులో చిక్కుకున్న రోగులు, ఆస్పత్రి సిబ్బందిని బయటకు తీసుకొచ్చి వేరే ఆస్పత్రిలో చేర్చారు. అయితే వారి ఆరోగ్య పరిస్థితి కుదుటపడిందని పోలీసులు తెలిపారు.