చెన్నైలో కొవిడ్ ఉద్ధృతి రోజురోజుకూ ఉగ్రరూపం దాల్చుతున్న వేళ.. అన్ని ప్రభుత్వ, ప్రైవేటు ఆస్పత్రులు కరోనా రోగులతో నిండిపోయాయి. ఈ నేపథ్యంలో శ్వాస సంబంధిత సమస్యలతో ఆస్పత్రిలో చేరేందుకు వచ్చిన ముగ్గురు కొవిడ్ బాధితులు పడకలు లేక.. అంబులెన్స్లోనే ప్రాణాలు కోల్పోయారు. ఈ విషాద ఘటన నగరంలోని రాజీవ్ గాంధీ ఆస్పత్రి వద్ద జరిగింది.
ఏం జరిగిందంటే?
చెన్నై, చెంగల్పేట్, తిరవల్లూరు జిల్లాలకు చెందిన ముగ్గురు కరోనా రోగులు శ్వాస సంబంధిత ఇబ్బందులతో రాజీవ్ గాంధీ ఆస్పత్రిలో చేరేందుకు వచ్చారు. ఆ సమయంలో వారికి పడకలు అందుబాటులో లేనందున.. అంబులెన్స్లోనే వేచి ఉండాల్సి వచ్చింది. పరిస్థితి విషమించడం వల్ల.. అత్యవసర వాహనంలోనే చనిపోయారు. అంతకముందు అదే ఆస్పత్రిలో నలుగురు వైరస్ బాధితులు ఇదే సమస్యతో మరణించారు. దీంతో అక్కడ మొత్తం మృతుల సంఖ్య 7కు పెరిగింది.
ఇదీ చదవండి:'కరోనా మహమ్మారి మరోమారు ఉగ్రరూపం'
