బంగాల్​, అసోంలో తొలి దశ ప్రచారం సమాప్తం

బంగాల్​, అసోం శాసనసభ ఎన్నికల తొలి దశ ప్రచారం ముగిసింది. శనివారం పోలింగ్ నిర్వహించేందుకు ఈసీ అన్ని ఏర్పాట్లు చేస్తోంది.

బంగాల్, అసోం శాసనసభ ఎన్నికల తొలి దశ ప్రచారానికి తెరపడింది. ఈ నెల 27న(శనివారం) పోలింగ్ నిర్వహించేందుకు కేంద్ర ఎన్నికల సంఘం అన్ని ఏర్పాట్లు చేస్తోంది.

బంగాల్​లో..

బంగాల్​లో మొత్తం 294 శాసనసభ స్థానాలకు 8 దశల్లో పోలింగ్​ జరగనుంది. తొలి దశలో 30 నియోజకవర్గాల్లో ఓటింగ్​ నిర్వహించేందుకు సిద్ధమవుతోంది ఎన్నికల సంఘం.

30 నియోజకవర్గాలు గిరిజన ప్రాబల్యం కలిగిన పురులియా, బంకుర, జర్​గ్రామ్​, పుర్బా మెదినీపుర్​, పశ్చిమ్​ మెదినీపుర్​ జిల్లాలు ఉన్నాయి.

అసోంలో..

అసోంలో మొత్తం 126 స్థానాలకు మూడు దశల్లో ఓటింగ్​ జరగనుంది. తొలి దశలో మొత్తం 47 నియోజకవర్గాల్లో తమ ఓట్లను ఈవీఎంలలో నిక్షిప్తం చేయనున్నారు ఓటర్లు.

మే 2న ఫలితాలు..

బంగాల్​లో మొత్తం 8 దశల ఓటింగ్​ ఏప్రిల్​ 29తో ముగియనుంది. ఆ తర్వాత నాలుగు రాష్ట్రాలు సహా పుదుచ్చేరి ఎన్నికల ఫలితాలు మే 2న వెలువడనున్నాయి.

ఇదీ చూడండి:బంగాల్​లో 8 దశల్లో పోలింగ్​- మే 2న ఫలితం