స్వాతంత్య్రం వచ్చిన 75 ఏళ్ల తరువాత ఆ గ్రామ ప్రజలు విద్యుత్ వెలుగులను కళ్లారా చూశారు. దేశమంతా 5జీ ఇంటర్నెట్ సేవలు విస్తరిస్తున్న వేళ.. కరెంటుకు నోచుకోని ఆ పల్లెవాసులు తొలిసారిగా విద్యుత్ సౌకర్యాన్ని పొందారు. ఇన్నేళ్లుగా కిరోసిన్ దీపాలు, కొవ్వొత్తుల మధ్య జీవితాన్ని వెళ్లదీసిన కుటుంబాలు కరెంట్ రాకతో.. ఆనందంలో మునిగిపోతున్నారు. వారే జమ్ము కశ్మీర్, అనంత్‌నాగ్ జిల్లా డోరు బ్లాక్‌లోని టెథాన్ ప్రాంత ప్రజలు.
స్వాతంత్ర్యం వచ్చిన 75 ఏళ్లకు విద్యుత్ వెలుగులు.. కశ్మీరీ గ్రామస్థుల సంబరాలు - village got electricity facility for first time
జమ్ముకశ్మీర్ అనంత్‌నాగ్ జిల్లాలోని ఓ గ్రామ ప్రజలు స్వాతంత్య్రం వచ్చిన 75 ఏళ్లకు కరెంట్ సౌకర్యాన్ని పొందారు. ఇన్నేళ్లుగా కిరోసిన్ దీపాలు, కొవ్వొత్తుల మధ్యే రాత్రుళ్లు గడిపిన ఆ పల్లెవాసులు తొలిసారిగా విద్యుత్ లైటు వెలగడం చూశారు. విద్యుత్ శాఖ అధికారులు ఎంతో కష్టపడి.. కొండ ప్రాంతంలో ఉన్న గ్రామానికి విద్యుత్ సౌకర్యం అందేలా చేశారు.
Etv Bharat
ఈ గ్రామంలో మొత్తం 60 కుటుంబాలు ఉంటాయి. దాదాపుగా 200 మంది ఇక్కడ నివసిస్తున్నారు. కొండ ప్రాంతంలో ఉండే ఈ గ్రామానికి విద్యుత్ సౌకర్యాన్ని అందించేందుకు అధికారులు తీవ్రంగా శ్రమించారు. 2022 సంవత్సరంలో పనులు ప్రారంభించిన విద్యుత్ శాఖ సిబ్బంది.. ఎంతో కష్టపడి గ్రామంలో 63కేవీ ట్రాన్స్‌ఫార్మర్ను ఏర్పాటు చేశారు. ఇంటింటికి కరెంట్ సదుపాయాన్ని అందించారు.
దీంతో ఆ ప్రాంత వాసులంతా ఆనందం వ్యక్తం చేస్తున్నారు. కేంద్ర ప్రభుత్వ సౌభాగ్య పథకం కింద ఈ గ్రామానికి కరెంట్ సదుపాయం అందించినట్లు అధికారులు తెలిపారు. కాగా విద్యుత్ శాఖ అధికారులకు గ్రామస్థులు కృతజ్ఞతలు తెలిపారు. వారందరిని పూలమాలలతో సత్కరించారు. అనంతరం బ్యాండ్ బాజాలతో సెలెబ్రేషన్స్ చేసుకున్నారు.