కశ్మీర్​లో ఉగ్రఘాతుకం- ఏఎస్​ఐ, పౌరుడి హత్య

Terrorist Attack: జమ్ముకశ్మీర్​లో ఉగ్రవాదులు మరోసారి రెచ్చిపోయారు. శ్రీనగర్​లో ఓ పౌరుడిని కాల్చిచంపారు. అనంత్​నాగ్​ బిజ్​బెహరా ప్రాంతంలో పోలీసు బృందంపై దాడి చేయగా.. ఏఎస్​ఐ పరిస్థితి విషమంగా ఉంది.

Terrorist Attack: జమ్ముకశ్మీర్​ శ్రీనగర్​లో ఉగ్రవాదులు రెచ్చిపోయారు. ఓ సాయుధుడు జరిపిన కాల్పుల్లో పౌరుడు ప్రాణాలు కోల్పోయాడు. తీవ్రగాయాలైన అతడిని ఆస్పత్రికి తరలిస్తున్న క్రమంలో మరణించినట్లు పోలీసు అధికారులు పేర్కొన్నారు. ఈద్గా ప్రాంతంలోని తన నివాసం బయటే కాల్చి చంపినట్లు తెలిపారు.

మృతుడ్ని రౌఫ్​ అహ్మద్​ ఖాన్​గా గుర్తించారు. ఇతడు స్థిరాస్తి వ్యాపారం చేస్తున్నట్లు పోలీసులు తెలిపారు.

పోలీసు బృందంపై..

అనంత్​నాగ్​ బిజ్​బెహరా ప్రాంతంలో పోలీసు బృందంపైనా ముష్కరులు దాడి చేశారు. ఈ ఘటనలో తీవ్రగాయాలపాలైన ఏఎస్​ఐ మహ్మద్​ అష్రఫ్.. అమరులైనట్లు పోలీసులు వెల్లడించారు.

ఆయా ప్రాంతాల్లో ఉగ్రవాదుల కోసం గాలింపు చేపట్టినట్లు స్పష్టం చేశారు.

ఇదీ చూడండి: ఉగాండా నుంచి వచ్చిన ఆమె బ్యాగ్​లో రూ.14కోట్ల హెరాయిన్​