Termites Eat Money In Bank Locker :ఉత్తర్ప్రదేశ్ మొరాదాబాద్లోని బ్యాంక్ లాకర్లో ఓ మహిళ దాచిపెట్టిన రూ.18లక్షలు.. నల్లని మట్టిగా మారిపోయాయి! మొత్తం డబ్బును చెదలు ముక్కలుముక్కలుగా చేసేశాయి. దీంతో వాటిని చూసిన మహిళ షాక్కు గురై బ్యాంక్ మేనేజర్కు ఫిర్యాదు చేసింది.
అసలేం జరిగిందంటే?
మొరాదాబాద్.. రామగంగా విహార్‌లోని ఆషియానా కాలనీలో నివాసం ఉంటున్న అల్కా పాఠక్‌.. స్థానికంగా పరుపుల వ్యాపారం చేస్తోంది. ఆమెకు బ్యాంక్ ఆఫ్ బరోడా రామగంగా విహార్ బ్రాంచ్‌లో ఖాతా ఉంది. కొన్నినెలల క్రితం ఇదే బ్యాంక్లో ఆమె లాకర్ తీసుకుంది. గతేడాది అక్టోబర్ నెలలో అల్కా తన కుమర్తెకు వివాహం చేసింది. ఆ సందర్భంగా బంధుమిత్రులు డబ్బులు, నగల రూపంలో ఇచ్చిన కానుకలను లాకర్లో భద్రపరిచింది. మొత్తం రూ.18లక్షలతో పాటు విలువైన నగలను లాకర్లో ఉంచింది.
అయితే సెప్టెంబర్ 25వతేదీన కేవైసీ, లాకర్ అగ్రిమెంట్ రెన్యువల్ కోసం అల్కా.. బ్యాంక్కు వెళ్లింది. ఆ సమయంలో లాకర్ను తెరిచిన అల్కా.. ఒక్కసారిగా ఆశ్చర్యానికి గురైంది. డబ్బు నోట్లన్నింటినీ చెదలు తినేసి ఉండడం గమనించింది. వెంటనే బ్యాంక్ మేనేజర్కు విషయాన్ని చేరవేసింది. ఆయన వచ్చి చూడగా.. చెద పురుగుల దాడికి నోట్లు నల్లని మట్టి, ముక్కలుగా పడి ఉన్నాయి. అయితే నగలు భద్రంగానే ఉన్నట్లు బ్యాంక్ మేనేజర్ తెలిపారు. కేసును విచారిస్తున్నట్లు చెప్పారు. బ్యాంక్ లాకర్లో డబ్బులు పెట్టకూడదని విషయం తనకు తెలియదని అల్కా చెప్పింది.
రూ.18లక్షలను స్వాహా చేసిన చెదలు లాకర్ల గురించి ఈ 5 రూల్స్ తప్పక తెలుసుకోండి!
Bank Locker New Rules 2023 :రిజర్వ్ బ్యాంక్ ఆఫ్ ఇండియా నిర్దేశం మేరకు బ్యాంకులు తమ లాకర్ నిబంధనలను మార్పులు, చేర్పులు చేస్తున్నాయి. ఈ మేరకు కస్టమర్లకు కూడా సమాచారాన్ని అందిస్తున్నాయి. ఇప్పటికే రివైజ్డ్ లాకర్ అగ్రిమెంట్పైన సంతకం చేసినవారు, సప్లమెంటరీ అగ్రిమెంట్పై కూడా సంతకం చేయాల్సి ఉంటుందని స్పష్టం చేస్తున్నాయి బ్యాంకులు. ప్రముఖ ప్రభుత్వ రంగ బ్యాంకైన ఎస్బీఐ ఇప్పటికే తన కస్టమర్లకు సవరించిన బ్యాంక్ లాకర్ రూల్స్ గురించి, దాని సప్లమెంటరీ అగ్రిమెంట్ గురించి సమాచారాన్ని అందిస్తోంది. బ్యాంక్ ఆఫ్ బరోడా కూడా ఇదే మార్గంలో పయనిస్తోంది. ఆర్బీఐ నిర్దేశం మేరకు మిగతా బ్యాంకులు తప్పనిసరిగా ఈ మేరకు సమాచారం ఇవ్వాల్సి ఉంది. అయితే ఇందుకోసం 2023 డిసెంబర్ నెలాఖరు వరకు సమయం ఉంది. రివైజ్డ్ బ్యాంక్ లాకర్ రూల్స్ విషయంలో ఆర్బీఐ కొన్ని కీలకమైన ఆదేశాలు జారీ చేసింది. అవేంటో తెలియాలంటే ఇక్కడ క్లిక్ చేయండి.
