అభివృద్ధిపై చర్చకు ఇరుపార్టీలు సై.. అమరావతిలో ఉద్రిక్తత.. తెదేపా నేత అరెస్ట్​

Challenges Between YSRCP and TDP Leaders: పల్నాడు జిల్లా పెదకూరపాడు ఎమ్మెల్యే నంబూరు శంకర్రావు, మాజీ ఎమ్మెల్యే కొమ్మాలపాటి శ్రీధర్ మధ్య సవాళ్లు, ప్రతిసవాళ్లతో అమరావతిలో ఉత్కంఠ నెలకొంది. ఇసుక తవ్వకాలు, నియోజకవర్గ అభివృద్ధిపై.. అమరేశ్వరస్వామి సాక్షిగా ప్రమాణం చేద్దామంటూ ఇరువర్గాలు సవాళ్లు విసురుకున్నాయి. అప్రమత్తమైన పోలీసులు.. అమరావతిలో భారీగా మోహరించారు. ఇరు పార్టీల నేతలు ఆలయం వద్దకు చేరుకోవడంతో తీవ్ర ఉద్రిక్తత నెలకొంది. శ్రీధర్‌తోపాటు టీడీపీ నేతలను అరెస్టు చేసి స్టేషన్‌కు తరలించారు.

Challenges Between YSRCP and TDP Leaders: పల్నాడు జిల్లా పెదకూరపాడు ఎమ్మెల్యే నంబూరు శంకర్రావు, టీడీపీ నేత, మాజీ ఎమ్మెల్యే కొమ్మాలపాటి శ్రీధర్ మధ్య మొదలైన మాటల యుద్ధం తీవ్ర స్థాయికి చేరింది. ఇసుక అక్రమ తవ్వకాలు, నియోజకవర్గ అభివృద్ధిపై.. అమరేశ్వరస్వామి సాక్షిగా ప్రమాణం చేద్దామంటూ ఇరువర్గాలు సవాళ్లు విసురుకున్నారు. దీంతో అమరావతిలోని అమరేశ్వరస్వామి ఆలయం వద్ద తీవ్ర ఉద్రిక్తత చోటు చేసుకుంది. అమరేశ్వరస్వామి ఆలయానికి బయలుదేరిన కొమ్మాలపాటి శ్రీధర్​ను పోలీసులు అరెస్టు చేశారు. కొమ్మాలపాటిని వాహనంలో పోలీసులు తిప్పుతున్నారు. అమరావతిలోపలువురు తెదేపా నేతలు,కార్యకర్తలనుఅరెస్టుచేసిక్రోసూరు స్టేషన్‌కు తరలించారు.

అంతకుమందు పోలీసులతో టీడీపీ కార్యకర్తలు, టీడీపీ నేతలు వాగ్వాదానికి దిగడంతో.. వారిని పోలీసులు చెదరగొట్టారు. నంబూరు శంకర్రావు సైతం ఆలయం వద్దకు చేరుకున్నారు. దీంతో టీడీపీ, వైసీపీ కార్యకర్తల మధ్య తోపులాట జరిగింది. ఈ నేపథ్యంలో పోలీసుల తీరుపై రోడ్డుపై బైఠాయించి.. టీడీపీ శ్రేణులు నిరసన తెలిపారు. దీంతో ఏ క్షణాన ఏం జరుగుతుందోనని తీవ్ర ఉత్కంఠ నెలకొంది. మరోవైపు వైసీపీ కార్యకర్తలు.. కర్రలు పట్టుకుని తిరుగుతూ కాసేపు వీరంగం సృష్టించారు. కర్రలను వైసీపీ శ్రేణుల నుంచి స్వాధీనం చేసుకున్నారు.

కొమ్మాలపాటి శ్రీధర్ సవాల్: అమరావతిలో అక్రమంగా ఇసుక తవ్వకాలు జరుగుతున్నాయని కొమ్మాలపాటి శ్రీధర్ అన్నారు. నదిలో తవ్విన గోతుల వల్ల అనేకమంది చనిపోతున్నారని ఆరోపించారు. ఇసుక తవ్వకాల్లో చట్టప్రకారమే ముందుకెళ్లాలని కోరామని చెప్పారు. టీడీపీ పాలన నాటి అభివృద్ధిపై చర్చకు మేం సిద్ధమని సవాల్ చేశారు. ఇసుక దోపిడీ, మట్టి మాఫియా, ఇళ్ల నిర్మాణంపై చర్చకు సిద్ధమన్నారు. పోలీసు బలగాలతో మమ్మల్ని చెదరగొట్టేందుకు ప్రయత్నిస్తున్నారని ఆగ్రహం వ్యక్తం చేశారు. మా హయాంలో తప్ప వైసీపీ హయాంలో ఎక్కడా అభివృద్ధి లేదని కొమ్మాలపాటి అన్నారు. ఎమ్మెల్యే, వైసీపీ నేతలు అసభ్యంగా మాట్లాడుతున్నారని తెలిపారు.

"ఈ రోజు అవినీతి అక్రమాలతో సాగుతోంది. దోచుకున్నాం..దాచుకున్నాం.. అనే విధానం ఉంది. అక్రమ మైనింగ్ జరుగుతోంది. దమ్ముందా అని అన్నారు.. మా దగ్గర దమ్ముంది.. ధైర్యం ఉంది". - కొమ్మాలపాటి శ్రీధర్

సవాల్​ను స్వీకరించిన నంబూరి:ఈ ఉత్కంఠ నేపథ్యంలో.. టీడీపీ నేతల సవాలును తాను స్వీకరించానని నంబూరు శంకర్రావు ప్రకటించారు. ఆధారాలతో సహా చర్చించేందుకు సిద్ధంగా ఉన్నానని.. టీడీపీ నేతల అవినీతిని స్వామివారి గుడి వద్ద నిరూపిస్తానని తెలిపారు. తమ ప్రభుత్వ అభివృద్ధి కార్యక్రమాలను ఆధారాలతో వివరిస్తానని అన్నారు. టీడీపీ శ్రేణులు భారీగా అమరావతికి వస్తున్నారని.. వైఎస్సార్సీపీ శ్రేణులు కూడా అమరావతికి తరలి రావాలని పిలుపునిచ్చారు. అదే విధంగా పోలీసులకు వైసీపీ నేతలు, కార్యకర్తలు సహకరించాలని కోరారు.

"ఇసుకతో నాకేం సంబంధం ఉంది. అది ప్రభుత్వ ఇసుక పాలసీ. దమ్ముంటే రండి చూసుకుందాం. డిబేట్​కి వస్తారా రండి. ఎమ్మెల్యే గుంతలు తవ్వించాడు అని అంటున్నారు. ఎమ్మెల్యే ఎందుకు గుంతలు తవ్విస్తాడు అక్కడ. గత ప్రభుత్వ హయాంలో మీరు గోతులు తవ్వించడం వలన.. 28 మంది పిల్లలు చనిపోయారు. మీకు ఎన్జీటీ వాళ్లు 100 కోట్లు పెనాల్టీ కూడా వేశారు. పిచ్చి పిచ్చిగా మాట్లాడితే ఊరుకోం. నేను ఏం చేయాలో అది చేస్తాను". - నంబూరి శంకర్రావు

ఉదయం నుంచి సాగిన డ్రామా: అమరావతిలో అధికార, ప్రతిపక్ష నేతల మధ్య సవాళ్లతో తీవ్ర ఉత్కంఠ నెలకొంది. ఇసుక తవ్వకాలు, నియోజకవర్గ అభివృద్ధిపై ఇరువర్గాలు చర్చకు సిద్ధమయ్యారు. ఎమ్మెల్యే నంబూరి శంకర్రావు, మాజీ ఎమ్మెల్యే శ్రీధర్ మధ్య మాటలు యుద్ధం నడుస్తోంది. అమరేశ్వరస్వామి సాక్షిగా ప్రమాణం చేద్దామంటూ ఇరువర్గాలు సవాళ్లు చేసుకోవడంతో.. నియోజకవర్గం నలుమూలల నుంచి అమరావతికి భారీగా కార్యకర్తలు, నేతలు చేరుకున్నారు. అధికార, ప్రతిపక్ష నేతల సవాళ్ల మధ్య ముందస్తు చర్యలలో భాగంగా పోలీసులు రాత్రి 9 వరకూ 144 సెక్షన్ విధించారు. అమరావతిలో భారీగా పోలీసులు మోహరించారు.

వైఎస్సార్సీపీ, టీడీపీ నేతలకు ముందస్తుగానే పోలీసులు నోటీసులు జారీ చేశారు. కానీ ఇరుపార్టీల నేతలు ఇవేవీ లెక్కచేయలేదు. అప్పటికే చాలా మంది వైసీపీ, టీడీపీ నేతలు ఇళ్లలో లేరు. మాజీ ఎమ్మెల్యే కొమ్మాలపాటి శ్రీధర్ కూడా అజ్ఞాతంలోకి వెళ్లారు. ఎమ్మెల్యే శంకర్రావు కూడా రాత్రే ఇంటి నుంచి బయటకు వెళ్లారని సమాచారం. నంబూరి శంకర్రావు, కొమ్మాలపాటి శ్రీధర్ అప్పటికే అమరావతి చేరుకున్నారు.

తెల్లవారుజామున గాలింపు:ఇరువురి నేతల కోసం తెల్లవారుజాము నుంచే అమరావతిని పోలీసులు జల్లెడ పట్టారు. అమరేశ్వరస్వామి ఆలయానికి వెళ్లే దారిని పూర్తిగా మూసేశారు. కొమ్మాలపాటి శ్రీధర్ అమరావతిలో ముస్లిం కాలనీలో ఉన్నారని సమాచారంతో.. పోలీసులు ముస్లిం కాలనీలోని ఇళ్లలో వెతికారు. దీంతో పోలీసులకు, ముస్లిం కాలనీ వాసులకు మధ్య వాగ్వాదం చోటు చేసుకుంది. ఏ ఆధారం ఉందని తనిఖీలు చేస్తున్నారని స్థానికులు నిలదీశారు. రంజాన్ మాసంలో పోలీసులు తనిఖీలు చేయడంపై అభ్యంతరం తెలిపారు.

అవినీతికి పాల్పడుతున్నారంటూ వైఎస్సార్సీపీ ఎమ్మెల్యేపై టీడీపీ నేత శ్రీధర్ ఆరోపించగా.. దీనిపై వైఎస్సార్సీపీ ఎమ్మెల్యే స్పందిస్తూ సవాల్ విసిరారు. అమరావతిలోని అమరేశ్వరస్వామి సాక్షిగా ప్రమాణం చేద్దామంటూ సవాల్ విసరడంతో.. ఇరువురి నేతలు సిద్ధమయ్యారు. దీంతో అమరావతిలో ఉద్రిక్త పరిస్థితి నెలకొంది.

ఇవీ చదవండి: