దలైలామా ఉపన్యాసానికి భారీ ఏర్పాట్లు.. రోజుకు 2 లక్షల రొట్టెలు, 75 వేల లీటర్ల టీ

ప్రముఖ ఆధ్యాత్మిక కేంద్రం బుద్ధగయలో బౌద్ధ మతగురువు దలైలామా ఉపన్యసించనున్నారు. ఈ ఉపన్యాసాలు వినడానికి వచ్చిన భక్తులకోసం భారీ ఏర్పాట్లు చేస్తున్నారు. వారికి టీ,రొట్టెలు అందించడానికి వేల లీటర్ల సామర్థ్యం ఉండే పాత్రలను తీసుకువచ్చారు.

ప్రముఖ టిబెటియన్​ ఆధ్యాత్మిక గురువు దలైలామా బిహార్​లోని బుద్ధగయలో ఉపన్యసించనున్నారు. దీనికోసం అక్కడి బౌద్ధ ఆలయంలోని భారీ ఎత్తున ఏర్పాట్లు చేస్తున్నారు నిర్వాహకులు. ఈ కార్యక్రమానికి దేశ విదేశాలనుంచి దాదాపు 50,000 మంది బౌద్ధ సన్యాసులు రానున్నారు. ఆ భక్తులకు టీ, రొట్టెలు అందించడానికి ఇప్పటికే పెద్ద పాత్రలను సిద్ధం చేశారు. డిసెంబర్​ 29, 30, 31వ తేదీల్లో బుద్ధగయ ఆలయంలో మతగురువు దలైలామా మాట్లాడనున్నారు.

ఈ ఉపన్యాసాలు వినడానికి వచ్చిన భక్తులకు టీ అందించడానికి.. 30 అడుగుల పొడవు, 10 అడుగుల వెడల్పు ఉండే మూడు పెద్ద పాత్రలను తీసుకువచ్చారు. వీటిలో రోజుకు 75,000 లీటర్ల ఛాయ్​ను తయారుచేస్తారు. టీని అందించడం కోసం ఏకంగా 2,000 కెటిల్​లు తీసుకువచ్చారు. దీంతో పాటుగా రోజుకు 2 లక్షల రొట్టెలను తయారు చేయనున్నారు. వీటిని వండడానికి పెద్ద వంటగదిని కూడా ఏర్పాటు చేశారు. ఈ వంటకాలను తయారు చేయడం కోసం గయ చుట్టు పక్కల ప్రాంతాల నుంచి అనేక వందల మంది వంట మనుషులు రానున్నారు. ఈ మహా కడాయిల్లో ఒకేసారి ఏకంగా 30 వేల మందికి సరిపడా టీ తయారవుతుంది.

టీ తయారీకి తెచ్చిన పెద్ద కడాయిలు

కార్యక్రమంలో పాల్గొన్న భక్తులు రోజుకు మూడు నుంచి నాలుగు సార్లు టీ, రొట్టెలను తీసుకొంటారు. అయితే భక్తులకు రెండు రకాలు టీలను అందించనున్నారు. టిబెట్​లో దొరికే వెన్న, నెయ్యి, చక్కెరని ఉపయోగించి సాల్ట్​ టీని తయారుచేస్తారు. దీనిలో తక్కువ టీ పొడిని వినియోగిస్తారు. ఈ వంటల ప్రక్రియ మూడు రోజులు పాటు కొనసాగనుంది. బౌద్ధ సన్యాసులు గయ ప్రాంతానికి వచ్చినప్పుడు అక్కడి హోటళ్లలో వీటికి విపరీతంగా డిమాండ్​ ఉంటుంది.

టీ అందించడం కోసం తెచ్చిన 2000 కెటిల్​లు​

వంటల కోసం చెేపడుతున్న ప్రత్యేక నిర్మాణాలు

రొట్టెలు

• ఇవీ చదవండి: