మారుమూల ప్రాంతాల్లోని పిల్లలకు విద్యను అందించడమే లక్ష్యంగా ఓ ఉపాధ్యాయుడు వినూత్నంగా ఆలోచించారు. సాధారణ సైకిల్ను ఈ-బైక్గా మార్చి 'డిజిటల్ స్కూల్' విధానాన్ని వారికి పరిచయం చేశారు. సైకిల్కే ల్యాప్టాప్, స్పీకర్లు అమర్చి విద్యార్థులకు చదువు అందిస్తున్నారు. ఇంటింటికీ వెళ్తూ డిజిటల్ విద్యా బోధన విధానాన్ని విజయవంతం చేసేందుకు కృషి చేస్తున్నారు. ఆయనే గుజరాత్ కచ్ జిల్లాకు చెందిన దీపక్భాయ్ మోటా.
ముందు ఈ-సైకిల్ చేసి..
ఎలక్ట్రిక్ సైకిల్పై వెళ్తున్న దీపక్ సాధారణ సైకిల్ను ఈ-సైకిల్గా మార్చి.. దానికి సోలార్ విధానం ద్వారా ఛార్జింగ్ అయ్యే ఏర్పాట్లు చేశారు మాండవీలోని హుండ్రాయ్ బాగ్ ప్రాథమిక పాఠశాల ఉపాధ్యాయుడు దీపక్. సాధారణ విద్యుత్ వ్యవస్థ సాయంతోనూ ఛార్జింగ్ పెట్టుకునేలా సైకిల్ తయారు చేశారు. హార్న్, సైడ్ సిగ్నల్, బ్యాటరీ ఇండికేటర్, హెడ్ లైట్, యూఎస్బీ ఛార్జింగ్ పాయింట్, స్పీడో మీటర్ను సైకిల్కు అమర్చారు. ల్యాప్ టాప్ కూడా అమర్చే సౌలభ్యమున్న ఈ సైకిల్ కోసం రూ. 18,000- రూ.19,000 వరకు ఖర్చు చేసినట్లు చెప్పారు.
ఇంటికే స్కూల్...
ఈ-సైకిల్ అభివృద్ధి చేశాక డిజిటల్ స్కూల్పై ఆలోచన చేశారు దీపక్. నెట్ కనెక్షన్, మొబైల్ సదుపాయాలు లేని మారుమూల ప్రాంతాల్లో.. పాఠశాలనే విద్యార్థుల దగ్గరకు తీసుకెళ్లాలనే ఉద్దేశంతో దీపక్ ప్రారంభించిన డిజిటల్ స్కూల్ విధానాన్ని ప్రశంసలతో ముంచెత్తింది ఆ జిల్లా విద్యా శాఖ.
"కొవిడ్ విపత్కర పరిస్థితుల్లో ప్రభుత్వం ఆన్లైన్ విద్యా విధానం అమలు చేసింది. కానీ, మారుమూల ప్రాంతాల్లో విద్యుత్ సదుపాయం కూడా సరిగ్గా ఉండదు. ఇలాంటి పరిస్థితుల్లో విద్యార్థులకు చదువుకోవడం ఓ సవాల్గా మారింది. అందుకే విద్యార్థుల ఇంటి వద్దకే వెళ్లి పాఠాలు చెప్పేలా ఈ డిజిటల్ స్కూల్ను ప్రారంభించా."
--దీపక్ మోటా, ఉపాధ్యాయుడు.
ఈ బోధనా విధానం తమకు బాగా నచ్చిందని హర్షం వ్యక్తం చేశారు విద్యార్థులు. ఈ పద్ధతిలో పాఠాలు వినడం కొత్తగా అనిపిస్తుందని చెప్పారు. ఓ ఉపాధ్యాయుడు.. విద్యార్థుల కోసం ఇంత కృషి చేయడం గర్వంగా ఉందని ఓ విద్యార్థి తండ్రి చెప్పుకొచ్చాడు.
ల్యాప్ టాప్ అమర్చి పాఠాలు వినిపిస్తున్న దీపక్ ఇదీ చదవండి:దేశంలోనే తొలి డ్రోన్ ఫోరెన్సిక్ ల్యాబ్ ఎక్కడుందో తెలుసా?
