చేపల చెరువుకు కాపలాగా ఉన్న యువకుని దారుణ హత్య!

Youth Killed at Fishing Pond: చేపల చెరువుకు కాపలాగా ఉన్న ఓ యువకున్ని అర్థరాత్రి కాల్చి చంపారు దుండగులు. ఈ దారుణ ఘటన తమిళనాడులోని డిండిగుల్ జిల్లాలో జరిగింది.

Youth Killed at Fishing Pond: తమిళనాడులోని డిండిగుల్ జిల్లాలో దారుణం జరిగింది. చేపల చెరువుకు కాపలాగా ఉన్న ఓ యువకున్ని అర్థరాత్రి కాల్చి చంపారు దుండగులు.

హత్యకు గురైన యువకుడు

జిల్లాలో మరియనాథపురంలో నివసిస్తున్న మణిక్కం కుమారుడు రాకేశ్​(26). స్థానికంగా చేపల చెరువును లీజ్​కు తీసుకున్నాడు. ఈ క్రమంలో జనవరి 2న అర్థరాత్రి చేపలను దొంగిలించకుండా కాపలాగా వెళ్లిన రాకేశ్.. చెరువు కట్టపై తన స్నేహితులతో కూర్చుని మాట్లాడుతున్నాడు. ఆ సమయంలో అక్కడికి వచ్చిన దుండగులు తుపాకీతో కాల్చి చంపారని అక్కడే ఉన్న బాధితుని స్నేహితులు చెప్పినట్లు పోలీసులు తెలిపారు. అనంతరం బైక్​పై పారిపోయారని పేర్కొన్నారు. కేసు నమోదు చేసుకున్న పోలీసులు.. అన్ని కోణాల్లో దర్యాప్తు చేస్తున్నారు. ఐదు ప్రత్యేక బృందాలు హంతకుల కోసం వేట ప్రారంభించాయని పోలీసు అధికారులు తెలిపారు.

ఇదీ చదవండి:కేంద్రమంత్రి కుమారుడిపై హత్య, హత్యాయత్నం కేసు