ఉదయనిధి స్టాలిన్ చిత్రం
Udhayanidhi Stalin Birthday: తమిళనాడు ముఖ్యమంత్రి స్టాలిన్ కుమారుడు, డీఎంకే ఎమ్మెల్యే ఉదయనిధి స్టాలిన్ పుట్టిన రోజు శనివారం ( నవంబర్ 27) కాగా.. ఆయనకు వినూత్నంగా శుభాకాంక్షలు తెలిపాడు సెల్వం అనే కళాకారుడు. ఆయన శరీరంపైనే పెయింట్‌ పోసుకుని.. కాన్వాస్పై అటూ ఇటూ దొర్లుతూ ఉదయనిధి చిత్రాన్ని గీశాడు.
కాళ్లకురిచ్చి జిల్లా తిరుకోవిలూరులోని శివనార్ తంగల్ పంచాయతీ పాఠశాలలో తాత్కాలిక ప్రాతిపదికన డ్రాయింగ్ టీచర్గా సెల్వం పనిచేస్తున్నాడు. సెల్వ ఎప్పుడూ విభిన్నంగా ఆలోచిస్తుంటాడని విద్యార్థులతో పాటు.. ఆయన సన్నిహితులు తెలిపారు. సరికొత్త రీతిలో పెయింటింగ్ చేయడానికి ఆయన ఆసక్తిని కనబరుస్తుంటాడని పేర్కొన్నారు.