తమిళనాడులో అమిత్​ షా.. ఇంటింటి ప్రచారంలో బిజీబిజీ

భాజపా అగ్రనేత, కేంద్ర హోం మంత్రి అమిత్​ షా.. తమిళనాడులో పర్యటిస్తున్నారు. కన్యాకుమారిలోని సుచీంద్రంలో ఇంటింటి ప్రచారాన్ని నిర్వహించారు. రానున్న అసెంబ్లీ ఎన్నికల్లో భాజపాను గెలిపించాలని ఓటర్లను కోరారు.

భాజపా సీనియర్​ నేత, కేంద్ర హోం మంత్రి అమిత్​ షా.. తమిళనాడు ఎన్నికల ప్రచారంలో భాగంగా కన్యాకుమారికి చేరుకున్నారు. సుచీంద్రంలో.. భాజపా తరఫున ఇంటింటి ప్రచారంలో భాగంగా నిర్వహించిన 'విజయ్​ సంకల్ప్​ మహాసంపర్క్​' యాత్రలో పాల్గొన్నారు. ఇంటింటి ప్రచారాన్ని నిర్వహించిన షా.. స్థానికంగా 11 ఇళ్లను సందర్శించి ఓట్లు అభ్యర్థించారు. కేంద్ర ప్రభుత్వ పథకాలను వివరిస్తూ.. శాసనసభ ఎన్నికల్లో తమ పార్టీకి పట్టం కట్టాలని తమిళ ఓటర్లను కోరారు.

ఇంటింటి ప్రచారంలో భాగంగా ఓ మహిళకు పార్టీ గుర్తులు వివరిస్తున్న షా

కన్యాకుమారిలో రోడ్​షో నిర్వహించిన అమిత్​ షా.

శాసనసభ ఎన్నికల్లో ఏఐఏడీఎంకే-భాజపా-పీఎంకే కూటమి ప్రభుత్వాన్ని ఏర్పాటు చేస్తుందని అమిత్​ షా ధీమా వ్యక్తం చేశారు. ఆయన వెంట.. కన్యాకుమారి ఎంపీ అభ్యర్థి పొన్​ రాధాకృష్ణన్ ఉన్నారు.

విజయ సంకేతంతో భాజపా శ్రేణులకు అభివాదం చేస్తూ..

కన్యాకుమారి ప్రెస్​మీట్​లో మాట్లాడుతున్న అమిత్​ షా.. పక్కన ఎంపీ అభ్యర్థి పొన్​ రాధాకృష్ణన్​

కన్యాకుమారి లోక్​సభ స్థానానికి జరగనున్న ఉపఎన్నికలో భాజపా అభ్యర్థి పొన్​ రాధాకృష్ణన్​ను భారీ మెజారిటీతో గెలిపించాల్సిందిగా ఓటర్లను అభ్యర్థించారు అమిత్​ షా. ఇంటింటి ప్రచారంలో విజయ సంకేతం చూపించారు.

హిందూ కాలేజీ నుంచి కామరాజ్​ విగ్రహం వరకు భాజపా శ్రేణులు నిర్వహించిన భారీ రోడ్​ షోలో పాల్గొన్న అమిత్​ షా.. తమిళ ఓటర్లు తమ కూటమికి అనుకూలంగా ఉన్నారని ఉద్ఘాటించారు.​

కన్యాకుమారిలో రోడ్​షో నిర్వహించిన అమిత్​ షా..

కన్యాకుమారిలోని సుచీంద్రం ఆలయంలో అమిత్​ షాపూజలు

అంతకుముందు కన్యాకుమారిలోని చారిత్రక సుచీంద్రం ఆలయంలో ప్రత్యేక పూజలు నిర్వహించారు షా.

ఇదీ చదవండి:తమిళనాట 'షా' ఇంటింటి ప్రచారం- కేరళలో విజయ యాత్ర