తమిళనాడులో రోజువారి కరోనా కేసుల్లో తగ్గుదల నమోదైంది. ఈవాళ ఒక్కరోజే 14,016 మందికి వైరస్ నిర్ధరణ అయింది. 267 మంది కొవిడ్తో మృతి చెందారు. మరో 25,895 మంది కోలుకున్నారు. రాష్ట్రంలో క్రియాశీల కేసుల సంఖ్య 2 లక్షలకు దిగువకు చేరింది.
దేశ రాజధాని దిల్లీలో కొత్తగా 255 కేసులు బయటపడ్డాయి. 23 మంది వైరస్తో ప్రాణాలు కోల్పోయారు.
కేరళలో రోజువారి కొవిడ్ కేసుల సంఖ్య తగ్గింది. కొత్తగా 11,584 మందికి వైరస్ నిర్ధరణ కాగా.. మరో 206 మంది మహమ్మారి ధాటికి ప్రాణాలు కోల్పోయారు.
మహారాష్ట్రలో కొత్తగా 10,442 మందికి కరోనా సోకింది. మరో 483 మంది వైరస్తో ప్రాణాలు వదిలారు.
కర్ణాటకలోనూ కరోనా కేసులు స్వల్పంగా పెరిగాయి. ఈవాళ ఒక్కరోజే 7,810 మందికి కరోనా పాజిటివ్గా తేలింది. కొవిడ్ ధాటికి మరో 125 మంది ప్రాణాలు కోల్పోయారు.
ఇతర రాష్ట్రాల్లో ఇలా..
- జమ్ముకశ్మీర్లో 774 మందికి వైరస్ నిర్ధరణ అయింది. మరో 12 మంది మరణించారు.
- గుజరాత్లో 455 కేసులు నమోదవగా.. 8 మంది మృత్యువాత పడ్డారు.
- ఉత్తర్ప్రదేశ్లో మరో 468 మంది కరోనా బారిన పడ్డారు. వైరస్తో 53 మంది కన్నుమూశారు.
- మధ్యప్రదేశ్లో కొత్తగా 274 మందికి వైరస్ సోకినట్లు తేలింది. మరో 18 మంది మృతి చెందారు.
ఇదీ చూడండి:'కరోనా మాత' ఆలయం కూల్చివేత
