యువతిపై ఫ్యాక్టరీ మేనేజర్ కర్కశం- నొప్పితో ఏడుస్తున్నా..

Factory manager attacking girl: వేరే ప్రాంతం నుంచి వచ్చి ఓ ఫ్యాక్టరీలో పని చేస్తోంది ఆ యువతి. అయితే.. ఓరోజు పనికి వెళ్లేందుకు ఆమె నిరాకరించింది. దాంతో ఆగ్రహానికి గురైన ఆ ఫ్యాక్టరీ మేనేజర్​ ఆమెను అతి క్రూరంగా చితకబాదాడు. ఇందుకు సంబంధించిన వీడియో.. సామాజిక మాధ్యమాల్లో వైరల్​గా మారింది.

Factory manager attacking girl: పొట్టచేత పట్టుకుని ఉపాధి కోసం పరాయి ప్రాంతం నుంచి వచ్చిన యువతిపై ఓ ఫ్యాక్టరీ మేనేజర్​ కర్కశంగా ప్రవర్తించాడు. ఆమెను కర్రతో కొడుతూ దారుణంగా హింసించాడు. నొప్పితో ఆమె విలవిలాడుతున్నప్పటికీ.. అతను తన దుశ్చర్యను ఆపలేదు. ఈ ఘటన తమిళనాడు కొయంబత్తూరులో జరిగింది.

పనికి రాలేదని..

Girl beaten in Coimbatore: "ఝార్ఖండ్​కు చెందిన బాధిత యువతి.. ఉపాధి కోసం కోయంబత్తూరుకు వచ్చి, ఓ ఫ్యాక్టరీలో పని చేస్తోంది. అయితే.. ఆమె పనికి హాజరయ్యేందుకు నిరాకరించగా.. ఆమెపై ఆ ఫ్యాక్టరీ మేనేజర్​ ముత్తయ్య కర్రతో దాడి చేశాడు" అని పోలీసులు తెలిపారు. ఇందుకు సంబంధించిన వీడియో.. సామాజిక మాధ్యమాల్లో వైరల్​గా మారింది. ఆ వీడియోలో అసభ్యకరంగా మాట్లాడుతూ.. ఆమెను కాలితో తన్నేందుకు సదరు మేనేజర్ యత్నించినట్లు కనిపించింది. ఈ ఘటనపై నెటిజన్లు ఆగ్రహం వ్యక్తం చేస్తున్నారు.

యువతిని కొడుతున్న ఫ్యాక్టరీ మేనేజర్​

రోదిస్తున్న యువతి

కర్రతో కొడుతున్న ఫ్యాక్టరీ మేనేజర్ ముత్తయ్య

మత్తయ్యను, అతనికి సహకరించిన వార్డెన్ లతను పోలీసులు అరెస్టు చేశారు. వారిపై ఐపీసీలోని సంబంధిత సెక్షన్ల కింద కేసు నమోదు చేశారు. ఈ ఘటనపై దర్యాప్తు చేపట్టినట్లు తెలిపారు. దర్యాప్తులో మరో నలుగురు యువతులపై కూడా నిందితులు ఇదే తరహాలో దాడి చేసినట్లు తేలిందని పేర్కొన్నారు.

ఇదీ చూడండి:Girl Rape In Anuppur: ఆ డ్రగ్స్​ ఇచ్చి బాలికపై అత్యాచారం.. తీవ్ర రక్తస్రావంతో..

ఇదీ చూడండి:ఐదుగురు పిల్లలతో బావిలో దూకి మృత్యుఒడికి..