'రెమిడె​సివిర్​ను బ్లాక్​లో అమ్మితే కఠిన చర్యలే'

రెమిడెసివిర్​ ఔషధాన్ని బ్లాక్​ మార్కెట్​లో అమ్మేవారిపై కఠిన చర్యలు తీసుకోవాలని అన్ని రాష్ట్రాలను కేంద్రం ఆదేశించింది. రాబోయే వారాల్లో ఈ ఔషధాన్ని​ రెట్టింపు స్థాయిలో ఉత్పత్తి అవుతాయని తెలిపింది.

కరోనా చికిత్సలో కీలకమైన రెమిడెసివిర్​​ ఔషధాల​ను బ్లాక్​ మార్కెట్​లో అమ్మేవారిపై కఠిన చర్యలు తీసుకోవాలని అన్ని రాష్ట్రాలను ఆదేశించినట్లు కేంద్ర రసాయనాలు, ఎరువులు శాఖ మంత్రి డీవీ సదానంద గౌడ సోమవారం తెలిపారు. రెమిడెసివిర్​ నిల్వలపై ఫార్మా సెక్రటరీతో సమీక్షా సమావేశం నిర్వహించినట్లు ట్విట్టర్​ వేదికగా చెప్పారు.

"ఫార్మా సెక్రెటరీతో రెమిడెసివిర్​​ నిల్వలపై సమీక్ష నిర్వహించాం. ఈ ఔషధ ఉత్పత్తిదారులతో ప్రభుత్వం తరుచూ సంప్రదింపులు జరుపతోంది. ఉత్పత్తిదారులను సంప్రదించి, కావాల్సిన ఉత్పత్తిపై ప్రణాళికలను సిద్ధం చేశాం. రెమిడెసివిర్​ వయల్స్​ను సేకరించేవారిపై, బ్లాక్​ మార్కెటింగ్​ చేసేవారిపై రాష్ట్ర ప్రభుత్వాలు నిరంతర పర్యవేక్షణ జరపాలి. వారిపై కఠిన చర్యలు తీసుకోవాలి.

-డీవీ సదానంద గౌడ, కేంద్ర రసాయనాలు, ఎరువులు శాఖ మంత్రి

రెమిడెసివిర్​ తయారీని పెంచడానికి ఉత్పత్తి సంస్థలు అంగీకరించాయని మరో ట్వీట్​లో సదానంద గౌడ తెలిపారు. ఉత్పత్తి కేంద్రాలకు అదనంగా స్థల అనుమతులు మంజూరు చేసినట్లు పేర్కొన్నారు. రాబోయే వారాల్లో రెమిడెసివిర్​​ ఔషధం రెట్టింపు స్థాయిలో ఉత్పత్తి అవుతుందని చెప్పారు.

వచ్చే 15 రోజుల్లో రెమిడెసివిర్​​ ఉత్పత్తిని రోజుకు 3 లక్షల వయల్స్​ను పెంచుతామని కేంద్ర రసాయనాలు, ఎరువులు శాఖ సహాయ మంత్రి మన్​సుఖ్​ ఎల్​.మాండవీయ శనివారం తెలిపారు.

ఇదీ చూడండి:టీకా ఉత్పత్తి సంస్థలకు కేంద్రం భారీ రుణ సాయం

ఇదీ చూడండి:ఉత్తర్​ప్రదేశ్​లో ఐదు ప్రధాన నగరాల్లో లాక్​డౌన్​