అప్పటివరకు విమానాలు బంద్​!

అంతర్జాతీయ విమాన సేవలపై నిషేధాన్ని పొడిగించాలని డీజీసీఏ నిర్ణయించింది. ఈ మేరకు శుక్రవారం ప్రకటన విడుదల చేసింది. జూన్​ 30 వరకు ఈ రద్దు కొనసాగనున్నట్లు స్పష్టం చేసింది.

కరోనా మహమ్మారి కారణంగా పలు అంతర్జాతీయ విమాన సేవల నిలిపివేతను జూన్ 30 వరకు కొనసాగిస్తున్నట్లు డైరక్టరేట్ జనరల్ ఆఫ్ సివిల్ ఏవియేషన్ శుక్రవారం ప్రకటించింది. అయితే పలు మార్గాల్లో విమాన సేవలకు అనుమతిస్తున్నట్లు పేర్కొంది.

ఈ రద్దు కేవలం ప్యాసింజర్​ విమానాలపైనే అని డీజీసీఏ స్పష్టం చేసింది. కార్గో విమాన సేవలకు ఎటువంటి అంతరాయం కలగదని తెలిపింది.

గతేడాది మార్చి 23 నుంచి అంతర్జాతీయ విమానాలపై రద్దు కొనసాగుతోంది. అయితే వందే భారత్​ మిషన్​ పేరిట పలు దేశాలకు విమాన సేవలు అందుబాటులో ఉన్నాయి.

ఇదీ చదవండి :Unlock: 'క్రమంగా లాక్​డౌన్​ ఎత్తివేత'