మధ్యప్రదేశ్ సింగరౌలీలోని నిగాహిలో ఓ వేపచేట్టు నుంచి పాల రూపంలో ద్రవం కారుతోంది. ఈ ఘటన శనివారం ఉదయం జరిగింది. ఇలా పాలు కారడం షీత్లా మాత మహిమే అని అంటున్నారు భక్తులు. ఈ పాలను అమ్మవారి ప్రసాదంగా భావిస్తున్నారు. ఈ క్రమంలో వందలాది మంది భక్తులు వేపచెట్టు దగ్గర గుమిగూడారు. చాలా మంది భక్తులు చెట్టు నుంచి కారే పాలను పాత్రలో నింపి ఇంటికి తీసుకెళ్తున్నారు. ఈ పాలను తాగితే అనేక రోగాలు నయమవుతాయని అంటున్నారు.
వేపచెట్టు నుంచి పాలు కారుతున్నాయని తెలుసుకున్న చుట్టుపక్కల గ్రామ ప్రజలు, భక్తులు భారీగా తరలివస్తున్నారు. ఇలా చెట్టు నుంచి పాలు కారడం అద్బుతమని అంటున్నారు గ్రామస్థులు. ఈ వేప చెట్టును చాలా సంవత్సరాలుగా పూజిస్తున్నామని చెబుతున్నారు. ఈ పాలు తాగడం వల్ల అనేక వ్యాధుల నుంచి రక్షణ పొందవచ్చని అంటున్నారు. సుదూర ప్రాంతాల నుంచి ప్రజలు కాలినడకన వచ్చి ఈ చెట్టు కింద కొబ్బరికాయలు కొట్టి పూజలు చేస్తున్నారు. గతంలో కూడా ఈ చెట్టు కింద ఎన్నో అద్భుతాలు జరిగాయని స్థానికులు చెబుతున్నారు.