సైకత శిల్పంతో 'మాస్క్​'పై అవగాహన

దేశంలో కరోనా కేసులు పెరుగుతున్న వేళ.. మాస్క్​కు అత్యంత ప్రాధాన్యం ఏర్పడింది. ఈ నేపథ్యంలో మాస్క్​ ధరించడంపైనే జీవితం ఆధారపడి ఉందంటూ సైకత శిల్పంతో చక్కటి సందేశమిచ్చారు ప్రముఖ సైకత కళాకారుడు సుదర్శన్​ పట్నాయక్​.

దేశంలో రెండోదశ కరోనా మహమ్మారి మహోగ్రరూపం దాల్చుతున్న వేళ.. వైరస్​ బారినపడకుండా పలు జాగ్రత్తలు తప్పనిసరిగా పాటించాలని ప్రభుత్వం హెచ్చరిస్తోంది. ఈ నేపథ్యంలో మాస్క్​ ధరించడంపై తనదైన శైలిలో అవగాహన కల్పిస్తున్నారు ప్రముఖ సైకత శిల్పి పద్మశ్రీ సుదర్శన్​ పట్నాయక్​.

పూరీ- గోల్డెన్​ బీచ్​లో మాస్క్​ ధరించడంపై అవగాహన కల్పిస్తూ.. అద్భుత రీతిలో సైకత శిల్పాన్ని రూపొందించారు సుదర్శన్​. 'సక్రమంగా మాస్క్​ ధరించడంపైనే మన జీవితం ఆధారపడి ఉంటుంద'ని సందేశమిచ్చారు.

ఇదీ చదవండి:కరోనా పరిస్థితిపై ప్రధాని మోదీ కీలక భేటీ