లిక్కర్ మాఫియా కాల్పుల్లో ఎస్సై మృతి

బిహార్​లో పోలీసులకు, లిక్కర్ మాఫియాకు మధ్య ఎన్​కౌంటర్ జరిగింది. ఎదురుకాల్పుల్లో ఓ సబ్ ఇన్​స్పెక్టర్ ప్రాణాలు కోల్పోయాడు. తీవ్రంగా గాయపడిన ఓ వాచ్​మెన్​ పరిస్థితి విషమంగా ఉంది.

లిక్కర్ మాఫియాకు పోలీసులకు మధ్య జరిగిన ఎన్​కౌంటర్​లో ఓ సబ్ ఇన్​స్పెక్టర్ మృతి చెందాడు. ఓ వాచ్​మెన్​కు తీవ్రగాయాలయ్యాయి. ప్రస్తుతం అతని పరిస్థితి విషమంగా ఉన్నట్లు తెలుస్తోంది. బిహార్​లోని సీతామఢి జిల్లా మజోర్​గంజ్​లో ఈ ఘటన జరిగింది.

పోలీసులు రెయిడ్​కు వెళ్లిన సమయంలో లిక్కర్ మాఫియాకు చెందిన వ్యక్తులు కాల్పులకు తెగబడినట్లు తెలుస్తోంది. ఈ కాల్పుల్లో ఓ స్మగ్లర్ సైతం మరణించినట్లు సమాచారం. అయితే ఈ విషయాన్ని అధికారులు ధ్రువీకరించలేదు. పోలీసుల దర్యాప్తు కొనసాగుతోంది.

ఇదీ చదవండి:మొతేరాకు 'మోదీ స్టేడియం'గా నామకరణం