గుజరాత్లోని కేవడియాలో ఉన్న ఐక్యతా విగ్రహం మరో మైలురాయిని చేరుకుంది. ప్రారంభోత్సవం నాటి నుంచి ఐక్యతా విగ్రహాన్ని 50 లక్షల మందికిపైగా సందర్శించినట్లు అధికారులు తెలిపారు. ఈ మేరకు ఐక్యతా విగ్రహం సందర్శకుల సంఖ్య 50 లక్షలు దాటినట్లు గుజరాత్ అదనపు ప్రధాన కార్యదర్శి రాజీవ్‌ గుప్తా ట్వీట్‌ చేశారు.
ఐక్యతా విగ్రహాన్ని సందర్శించిన 50 లక్షల మంది
గుజరాత్లోని సర్దార్ పటేల్ ఐక్యతా విగ్రహం మరో ఘనత సాధించింది. ప్రారంభోత్సవం నాటి నుంచి దానిని 50 లక్షల మంది సందర్శించినట్లు అధికారులు తెలిపారు.
ఐక్యతా విగ్రహాన్ని సందర్శించిన 50 లక్షల మంది
2018 అక్టోబర్‌ 31న కేవడియాలో ప్రారంభమైన ఐక్యతా విగ్రహం అన్ని వర్గాలను ఆకట్టుకునేలా ఏర్పాటు చేశారు. దేశవ్యాప్తంగా వివిధ ప్రాంతాల నుంచి ప్రజలు ఈ ప్రాంతాన్ని సందర్శించేందుకు వస్తున్నారు. ఇక్కడికి వచ్చే ప్రయాణికులకు రవాణా సౌకర్యం కల్పించేలా ఇప్పటికే దేశంలోని వివిధ ప్రాంతాల నుంచి 8 కొత్త రైళ్లను, అహ్మదాబాద్‌ నుంచి సీప్లేన్‌ను ఇటీవల ప్రారంభించారు.
ఇదీ చూడండి:దేశంలో 3 కోట్ల మైలురాయి దాటిన టీకా పంపిణీ