సైక్లోన్​ యాస్​: 'బంగాల్​లో కోటి మందిపై ప్రభావం'

యాస్​ తుపాను కారణంగా బంగాల్​​లో సుమారు కోటి మంది ప్రజలు బాధితులుగా మారారని తెలిపారు సీఎం మమతా బెనర్జీ. చేపలు పట్టడానికి వెళ్లిన ఓ వ్యక్తి మృతి చెందినట్లు వెల్లడించారు.

యాస్​ తుపాను కారణంగా బంగాల్​లో సుమారు కోటి మంది ప్రజలు బాధితులుగా మారారని సీఎం మమతా బెనర్జీ తెలిపారు. మూడు లక్షల ఇళ్లు ధ్వంసం అయ్యాయని చెప్పారు. చేపలు పట్టడానికి వెళ్లిన ఓ వ్యక్తి మృతి చెందినట్లు వెల్లడించారు.

''యాస్​ తుపాను ప్రభావం బంగాల్​లో అత్యధికంగా ఉంది. ఇప్పటికే 15 లక్షల మందిని సురక్షిత ప్రాంతాలకు తరలించాం. తుపాను ప్రభావిత ప్రాంతాల్లో త్వరలో ఏరియల్​ సర్వే నిర్వహిస్తా.''

- మమతా బెనర్జీ, బంగాల్​ సీఎం

తుపాను కారణంగా.. తీర ప్రాంతంలో గంటకు 130-140 కిలోమీటర్ల వేగంతో బలమైన గాలులు వీస్తున్నాయి.

ఇదీ చదవండి:యాస్​ తుపాను: పొంచి ఉన్న 'పున్నమి' గండం