SSC Jobs 2023 :ఉద్యోగాల కోసం ప్రిపేర్ అవుతున్న యువతకు శుభవార్త. స్టాఫ్ సెలక్షన్ కమిషన్ (ఎస్ఎస్సీ) 1207 గ్రేడ్-సి, గ్రేడ్-డి స్టెనోగ్రాఫర్ ఉద్యోగాల భర్తీ కోసం నోటిఫికేషన్ విడుదల చేసింది. ఆసక్తి గల అభ్యర్థులు ఆన్లైన్లో దరఖాస్తు చేసుకోవాల్సి ఉంటుంది.
విద్యార్హతలు
SSC Stenographer Eligibility :అభ్యర్థులు ప్రభుత్వ గుర్తింపు పొందిన విశ్వవిద్యాలయం లేదా విద్యాసంస్థ నుంచి 10+2 ఉత్తీర్ణత సాధించి ఉండాలి. అలాగే తప్పనిసరిగా స్టెనోగ్రఫీలో నైపుణ్యం ఉండాలి.
వయోపరిమితి
SSC Stenographer Age Limit :
- స్టెనోగ్రాఫర్ గ్రేడ్-సి అభ్యర్థుల వయస్సు 18-30 సంవత్సరాల మధ్యలో ఉండాలి.
- స్టెనోగ్రాఫర్ గ్రేడ్-డి అభ్యర్థుల వయస్సు 18-27 సంవత్సరాల మధ్యలో ఉండాలి.
- ప్రభుత్వ నిబంధనల ప్రకారం, ఆయా కేటగిరీల అభ్యర్థులకు వయోపరిమితి సడలింపులు వర్తిస్తాయి.
దరఖాస్తు రుసుము
SSC Stenographer Fee :జనరల్, ఓబీసీ అభ్యర్థులు అప్లికేషన్ ఫీజుగా రూ.100 చెల్లించాల్సి ఉంటుంది. ఎస్సీ, ఎస్టీ, దివ్యాంగులు, మహిళలు దరఖాస్తు రుసుము చెల్లించాల్సిన అవసరం లేదు.
సిలబస్
SSC Stenographer Syllabus :
- జనరల్ అవేర్నెస్ : స్పోర్ట్స్, ఎకానమీ, కరెంట్ అఫైర్స్, అవార్డ్స్ అండ్ హానర్స్, సైంటిఫిక్ రీసెర్చ్, హిస్టరీ, ముఖ్యమైన తేదీలు
- ఇంగ్లీష్ గ్రామర్, జనరల్ ఇంటెలిజెన్స్ అండ్ రీజనింగ్
ఎంపిక విధానం
SSC Stenographer Selection Process : అభ్యర్థులకు రాత పరీక్ష నిర్వహిస్తారు. అయితే దీనిలో నెగిటివ్ మార్కింగ్ విధానం ఉంటుంది. ఇందులో ఉత్తీర్ణులైన వారికి స్కిల్ టెస్ట్ ఉంటుంది. ఇందులోనూ క్వాలిఫై అయిన వారికి, డాక్యుమెంట్ వెరిఫికేషన్ చేసి, స్టెనోగ్రాఫర్ ఉద్యోగాలకు ఎంపిక చేస్తారు.
- టైర్ -1 : 200 మార్కులకు ఆబ్జెక్టివ్ మల్టిపుల్ ఛాయిస్ క్వశ్చన్స్ ఉంటాయి. ఈ పరీక్షను 2 గంటల్లో పూర్తి చేయాల్సి ఉంటుంది.
- టైర్- 2 : స్కిల్ టెస్ట్లో నిర్ణీత సమయంలో ఇంగ్లీష్, హిందీ టైపింగ్ చేయాల్సి ఉంటుంది.
జీతభత్యాలు
SSC Stenographer Salary :
- గ్రూప్-సి స్టెనోగ్రాఫర్ పోస్టులకు ఎంపికైన అభ్యర్థుల పేస్కేల్ రూ.9,300 - రూ.34,800 వరకు ఉంటుంది.
- గ్రూప్-డి స్టెనోగ్రాఫర్ పోస్టులకు ఎంపికైన అభ్యర్థుల పేస్కేల్ రూ.5,200 - రూ.20,200 వరకు ఉంటుంది.
- వీటితో పాటు హౌస్ రెంట్ అలవెన్స్ (హెచ్ఆర్ఏ), డియర్నెస్ అలవెన్స్ (డీఏ), ట్రాన్స్పోర్ట్ అలవెన్స్ కూడా లభిస్తాయి.
దరఖాస్తు విధానం
SSC Stenographer Apply Online :ఆసక్తి గల అభ్యర్థులు ఆన్లైన్లో దరఖాస్తు చేసుకోవాల్సి ఉంటుంది.
ఏపీ, తెలంగాణల్లోని పరీక్ష కేంద్రాలు
SSC Stenographer Exam Centers :గుంటూరు, కర్నూలు, రాజమహేంద్రవరం, తిరుపతి, విశాఖపట్నం, విజయవాడ, హైదరాబాద్, నిజామాబాద్, వరంగల్.
ముఖ్యమైన తేదీలు
SSC Stenographer Important Dates :
- దరఖాస్తు స్వీకరణ ప్రారంభ తేదీ:2023 ఆగస్టు 2
- దరఖాస్తు చేయడానికి ఆఖరు తేదీ: 2023 ఆగస్టు 23
- అప్లికేషన్ కరెక్షన్ తేదీలు:2023 ఆగస్టు 24, 25
- ఎస్ఎస్సీ స్టెనోగ్రాఫర్ పరీక్ష తేదీలు : 2023 అక్టోబర్ 12, 13
