ఎస్​ఎస్​సీ భారీ నోటిఫికేషన్​ - పదో తరగతి అర్హతతో 75,768 జీడీ కానిస్టేబుల్ పోస్టులు!

SSC GD Constable Jobs 2023 In Telugu : పదో తరగతి చదువుకుని కానిస్టేబుల్​ ఉద్యోగాల కోసం ప్రిపేర్ అవుతున్న అభ్యర్థులు అందరికీ గుడ్ న్యూస్​. స్టాఫ్​ సెలక్షన్ కమిషన్​ 75,768 పోస్టుల భర్తీ కోసం భారీ నోటిఫికేషన్ విడుదల చేసింది. ఆసక్తి గల అభ్యర్థులు ఆన్​లైన్​లో దరఖాస్తు చేసుకోవాల్సి ఉంటుంది. ఏజ్​ లిమిట్​, ఫీజు, దరఖాస్తు విధానం తదితర పూర్తి వివరాలు మీ కోసం..

SSC GD Constable Jobs 2023 :స్టాఫ్​ సెలక్షన్ కమిషన్​ 75,768 జీడీ కానిస్టేబుల్ పోస్టుల భర్తీ కోసం భారీ నోటిఫికేషన్ విడుదల చేసింది. ఈ రిక్రూట్​మెంట్​ ద్వారా బీఎస్ఎఫ్​, సీఐఎస్​ఎఫ్​, సీఆర్​పీఎఫ్​, ఎస్​ఎస్​బీ, ఐటీబీపీ, ఏఆర్​, ఎస్​ఎస్​ఎఫ్​, ఎన్​ఐఏ తదితర పోలీస్ ఫోర్స్​ల్లోని పోస్టులను భర్తీ చేయనున్నారు.

1. పురుషులకు కేటాయించిన ఉద్యోగాల వివరాలు

• బీఎస్​ఎఫ్​ - 24,806 పోస్టులు
• సీఐఎస్​ఎఫ్​ - 7877 పోస్టులు
• సీఆర్​పీఎఫ్​ - 22,196 పోస్టులు
• ఎస్​ఎస్​బీ - 4839 పోస్టులు
• ఐటీబీపీ - 2564 పోస్టులు
• ఏఆర్​ - 4624 పోస్టులు
• ఎస్​ఎస్​ఎఫ్​ - 458 పోస్టులు
• మొత్తం పోస్టులు - 67,364

2. మహిళలకు కేటాయించిన ఉద్యోగాల వివరాలు

• బీఎస్​ఎఫ్​ - 3,069 పోస్టులు
• సీఐఎస్​ఎఫ్​ - 721 పోస్టులు
• సీఆర్​పీఎఫ్​ - 3231 పోస్టులు
• ఎస్​ఎస్​బీ - 439 పోస్టులు
• ఐటీబీపీ - 442 పోస్టులు
• ఏఆర్​ - 152 పోస్టులు
• ఎస్​ఎస్​ఎఫ్​ - 125 పోస్టులు
• మొత్తం పోస్టులు - 2626

3. ఎన్​ఐఏ - 225 పోస్టులు

విద్యార్హతలు
SSC GD Constable Qualification :అభ్యర్థులు 10వ తరగతి (మెట్రిక్యులేషన్​) ఉత్తీర్ణత సాధించి ఉండాలి.

వయోపరిమితి
SSC GD Constable Age Limit :అభ్యర్థుల వయస్సు 2023 జనవరి 1 నాటికి 23 ఏళ్ల లోపు ఉండాలి.

అప్లికేషన్ ఫీజు
SSC GD Constable Application Fee :అభ్యర్థులు దరఖాస్తు రుసుముగా రూ.100 చెల్లించాలి. అయితే ఎస్సీ, ఎస్టీ, ఎక్స్​-సర్వీస్​మెన్​, మహిళలకు ఎలాంటి అప్లికేషన్ ఫీజు లేదు.

ఎంపిక ప్రక్రియ
SSC GD Constable Selection Process :

• అభ్యర్థులకు ముందుగా కంప్యూటర్​ బైస్డ్​ టెస్ట్ (CBT) నిర్వహిస్తారు. పరీక్ష పేపర్​లో జనరల్ అవేర్​నెస్​, మ్యాథ్స్​, రీజనింగ్​, జనరల్​ ఇంగ్లీష్​/ హిందీ సబ్జెక్ట్స్​కు సంబంధించిన ఆబ్జెక్టివ్​ టైప్​ ప్రశ్నలు ఉంటాయి. పరీక్ష సమయం 1 గంట మాత్రమే ఉంటుంది.
• ఈ అర్హత పరీక్షలో ఉత్తీర్ణులైన అభ్యర్థులకు ఫిజికల్ ఎఫీషియన్సీ టెస్ట్​ (PET)/ ఫిజికల్​ స్టాండర్డ్ టెస్ట్ (PST) నిర్వహిస్తారు. ఈ శారీరక దృఢత్వ పరీక్షల్లో అభ్యర్థులు క్వాలిఫై కావాల్సి ఉంటుంది.
• పీఈటీ, పీఎస్​టీల్లో క్వాలిఫై అయిన అభ్యర్థులకు మెడికల్ ఎగ్జామినేషన్​, డాక్యుమెంట్ వెరిఫికేషన్​ నిర్వహించి, ఆయా ఉద్యోగాలకు ఎంపిక చేస్తారు.

PET, PST టెస్ట్​ల వివరాలు

• పురుష అభ్యర్థులు కేవలం 24 నిమిషాల్లో 5 కి.మీ దూరం పరుగెత్తాలి.
• మహిళా అభ్యర్థులు కేవలం 8 1/2 నిమిషాల్లో 1.6 కి.మీ పరుగెత్తాలి.

అభ్యర్థుల ఎత్తు ఎంత ఉండాలి?
SSC GD Constable Height Details :

• పురుష అభ్యర్థుల ఎత్తు 170 సెం.మీ
• మహిళ అభ్యర్థుల ఎత్తు 157 సెం.మీ

ఛాతీ కొలతలు
SSC GD Constable Chest Measurements :పురుషులకు మాత్రమే ఛాతీ కొలతలు తీసుకుంటారు. సాధారణంగా పురుషుల ఛాతీ కొలత 80 సెం.మీ వరకు ఉండాలి. ఊపిరి తీసుకున్నప్పుడు కనీసం 5 సెం.మీ ఛాతీ విస్తరించాలి.

జీతభత్యాలు
SSC GD Constable Salary :

• ఎన్​ఐఏలో సిపాయిగా పనిచేసేవారికి నెలకు రూ.18,000 నుంచి రూ.56,900 వరకు జీతం ఇస్తారు.
• మిగతా పోస్టులు అన్నింటికీ నెలకు రూ.21,700 నుంచి రూ.69,100 వరకు జీతం ఉంటుంది.

అధికారిక వెబ్​సైట్​ : అభ్యర్థులు స్టాఫ్​ సెలక్షన్ కమిషన్ అధికారిక వెబ్​సైట్​ https://ssc.nic.in/ లో దరఖాస్తు చేసుకోవాల్సి ఉంటుంది.

ముఖ్యమైన తేదీలు
SSC GD Constable Apply Last Dates :

• దరఖాస్తు స్వీకరణ ప్రారంభ తేదీ : 2023 నవంబర్​ 24
• దరఖాస్తుకు ఆఖరు తేదీ :2023 డిసెంబర్​ 28
• ఆన్​లైన్ ఫీజు/ చలాన్​ చెల్లింపునకు ఆఖరు తేదీ : 2023 డిసెంబర్​ 29
• కంప్యూటర్​ బేస్డ్ టెస్ట్​ : 2024 ఫిబ్రవరి 20, 21 ,22, 23, 24, 26, 27, 28, 29 తేదీలు; 2024 మార్చి 1, 5, 6, 7, 11, 12 తేదీల్లో కంప్యూటర్ బేస్డ్ టెస్ట్ నిర్వహించనున్నారు.