national herald case ed: నేషనల్ హెరాల్డ్ మనీలాండరింగ్ కేసులో ఈడీ ఎదుట హాజరు కావాలని కాంగ్రెస్ అధినేత్రి సోనియా గాంధీ నిర్ణయించుకున్నారు. ఈ మేరకు మూడు వారాల సమయం కోరినట్లు తెలుస్తోంది. ఈ విషయంలో వెనకడుగు వేసే ప్రసక్తే లేదని.. విచారణలో అన్ని విషయాలు చెప్పనున్నట్లు సమాచారం. మరోవైపు.. ఈనెల 13న ఈడీ విచారణకు హజరుకావాలని కాంగ్రెస్ నేత, సోనియా గాంధీ తనయుడు రాహుల్ గాంధీ నిర్ణయం తీసుకున్నారు.
ఇదే విషయంపై చర్చించేందుకు గురువారం కాంగ్రెస్ పార్టీ కీలక సమావేశం నిర్వహించనునుంది. ఈ సమావేశానికి పార్టీ ప్రధాన కార్యదర్శులందరినీ పిలిచినట్లు తెలుస్తోంది. ఈ సమావేశంలో రాహుల్ గాంధీ హాజరు అంశంపై చర్చించనున్నారు. రాహుల్ ఈడీ ఎదుట విచారణకు హాజరైన రోజు.. దేశ వ్యాప్తంగా భారీగా నిరసన కార్యక్రమాలను నిర్వహించే యోచనలో ఉంది కాంగ్రెస్. సోనియా, రాహుల్ ఈడీ విచారణకు హాజరు అయ్యే అంశంపై మంగళవారం పార్టీ సినియర్‌ నేతలు చర్చించినట్లు ఏఐసిసి వర్గాల వెల్లడించాయి. గురువారం వర్చువల్‌గా జరిగే భేటీలో అన్ని రాష్ట్రాల పీసీసీ అధ్యక్షులు, రాష్ట్రాల ఇన్‌ఛార్జులు కూడా హాజరు కావాలని ఏఐసీసీ ఆదేశించింది.