మధ్యప్రదేశ్ గ్వాలియర్లో ఓ వింత సంఘటన వెలుగుచూసింది. తండ్రి మందలించాడని 17 ఏళ్ల యువకుడు 21 ఇనుప మేకులు మింగేశాడు.
ఏమైందంటే?
యువకుడి పొట్టలో 21 మేకులు- అవాక్కయిన వైద్యులు! - మేకులు తిన్న యువకుడు
తండ్రి మందలించాడనే కోపంతో ఓ యువకుడు ఇనుప మేకులు మింగేశాడు. కడుపులో నొప్పి రావడం వల్ల ఆస్పత్రిలో చేర్చించగా.. రెండున్నర గంటలు శ్రమించి.. ఆ మేకులను బయటకు తీశారు వైద్యులు. ఈ సంఘటన మధ్యప్రదేశ్ గ్వాలియర్లో జరిగింది.
కోపంతో మేకులు మింగిన యువకుడు
నగరానికి చెందిన ధనుంజయ అనే యువకుడిని 21 రోజుల క్రితం ఓ విషయమై తండ్రి మందలించాడు. దీంతో కోపోద్రిక్తుడైన ధనుంజయ.. 21 ఇనుప మేకులు మింగేశాడు. అప్పటి నుంచి కడుపు నొప్పి మొదలైంది. ఆ నొప్పి రోజురోజుకూ ఎక్కువవుతూ వచ్చింది. నొప్పి తీవ్రతరం కావడం వల్ల ధనుంజయ్ను ఓ ప్రైవేటు ఆస్పత్రిలో చేర్పించాడు అతని తండ్రి.
ధనుంజయ్కు సాధారణ పరీక్షలు చేసిన వైద్యులకు పరిస్థితి అర్థం కాలేదు. దీంతో ఆస్ట్రాసౌండ్ స్కానింగ్ తీశారు. కడుపులో మేకులు ఉండటం చూసి.. వైద్యులు అవాక్కయ్యారు. రెండున్నర గంటల పాటు శ్రమించి శస్త్రచికిత్స ద్వారా 21 మేకులను బయటకు తీశారు. ప్రస్తుతం ఆ యువకుడి ఆరోగ్యం బాగానే ఉన్నట్లు వైద్యులు తెలిపారు.
ఇదీ చూడండి:Omicron in India: దేశంలో 24కు చేరిన ఒమిక్రాన్ కేసులు