పుష్ప సినిమా చూసి ఎర్రచందనం స్లగ్లింగ్కు పాల్పడ్డారు కొందరు వ్యక్తులు. సోమవారం సాయంత్రం ఎర్ర చందనాన్ని అక్రమంగా తరలిస్తున్న ఏడుగురిని.. పోలీసులు రెడ్హ్యాండెడ్గా పట్టుకున్నారు. ఉత్తర్ ప్రదేశ్లో ఈ ఘటన జరిగింది. మథుర పోలీస్ స్టేషన్ పరిధిలోని గోవర్ధన్ రోడ్డులో స్మగ్లర్లను అరెస్ట్ చేశారు పోలీసులు.
'పుష్ప' సినిమా స్ఫూర్తితో ఎర్రచందనం స్మగ్లింగ్.. ఏడుగురు అరెస్ట్ - smuggling in up inspired by Pushpa movie
యూపీలో ఎర్రచందనాన్ని అక్రమంగా తరలిస్తున్న ఏడుగురిని పోలీసులు అరెస్ట్ చేశారు. మథుర పోలీస్ స్టేషన్ పరిధిలోని గోవర్ధన్ రోడ్డులో నిందితులందర్ని రెడ్హ్యాండెడ్గా పట్టుకున్నారు పోలీసులు. కాగా, పుష్ప సినిమా చూసి ఎర్రచందనం స్లగ్లింగ్కు పాల్పడినట్లు నిందితులు తెలిపారు.
పుష్ప సినిమా చూసి ఎర్రచందనం స్మగ్లింగ్
దుండగులు ఎర్రచందనాన్ని అక్రమంగా రవాణా చేస్తున్న విషయం ఇన్ఫార్మర్ల ద్వారా పోలీసులకు అందింది. అనంతరం ఆగ్రా యూనిట్ ఎస్‌టిఎఫ్‌, మథుర హైవే పోలీసులు, అటవీ శాఖ అధికారులు ఉమ్మడిగా దాడులు జరిపారు. ఎర్రచందనం స్మగ్లింగ్ చేస్తున్న దుండగులను అదుపులోకి తీసుకున్నారు. వారి నుంచి 563.1 కిలోల ఎర్రచందనాన్ని స్వాధీనం చేసుకున్నారు. వీటి విలువ మార్కెట్లో దాదాపు రెండు కోట్ల రూపాయల వరకు ఉంటుంది. నిందితులపై కేసు నమోదు చేసి, జైలుకు తరలించినట్లు పోలీసులు తెలిపారు. మరికొందరు తప్పించుకున్నారని, వారిని సైతం వీలైనంత త్వరగా అరెస్ట్ చేస్తామని వారు పేర్కొన్నారు.
నిందితులను దీపక్, అజిత్ కుమార్, సుమిత్, చంద్ర ప్రతాప్, జితేంద్ర, రంజిత్గా గుర్తించినట్లు పోలీసులు వెల్లడించారు. వీరంతా పుష్ప సినిమా చూసి ఎర్రచందనం అక్రమ రవాణా చేస్తున్నట్లు విచారణలో చెప్పారని పోలీసులు పేర్కొన్నారు. అందులో చూపిన విధంగా తక్కువ సమయంలోనే ధనవంతులం కావాలనే లక్ష్యంతో స్మగ్లింగ్కు పాల్పడ్డట్లు నిందితులు వెల్లడించినట్లు పోలీసులు తెలిపారు. వీరంతా ఆంధ్రప్రదేశ్‌ నుంచి అక్రమంగా ఎర్రచందనాన్ని దిగుమతి చేసుకుని మథుర, సమీప జిల్లాల్లోని మతపరమైన స్థలాల్లో అధిక ధరలకు సరఫరా చేసేవారని పోలీసులు పేర్కొన్నారు.