కంప్యూటర్​ క్లాస్ నుంచి​ వస్తున్న యువకుడు దారుణ హత్య.. గేదెనూ వదలని కామాంధుడు!

కంప్యూటర్ క్లాస్ ముగించుకుని ఇంటికి వెళ్తున్న ఓ యువకుడిని ఇద్దరు మైనర్లు కత్తితో పొడిచి హత్య చేశారు. దిల్లీలో ఈ దారుణ ఘటన జరిగింది. మరోవైపు, మహారాష్ట్రలో ఓ గుర్తుతెలియని వ్యక్తి.. గేదెపై అత్యాచారానికి పాల్పడ్డాడు.

తన చెల్లిని ఏడిపించారని ఇద్దరు యువకులను చితకబాదాడు ఓ అన్న. దీంతో అతడిపై పగ పెంచుకున్న ఆ ఇద్దరు.. యువకుడిని హతమార్చారు. ఈ ఘటన దిల్లీలో జరిగింది.
వివరాల్లోకి వెళ్తే..దిల్లీలోని పటేల్ నగర్​కు సమీపంలోని ఓ ఇన్​స్టిట్యూట్​లో శుక్రవారం కంప్యూటర్ క్లాస్ ముగించుకుని ఇంటికి వెళ్తున్న ఓ యువకుడిని మార్గమధ్యలో మరో ఇద్దరు యువకులు కత్తితో పొడిచి పరారయ్యారు. ఇది గమనించిన స్థానికులు హుటాహుటిన ఆ విద్యార్థిని ఆసుపత్రికి తరలించారు. కానీ అప్పటికే పరిస్థితి విషమించగా అతను మరణించాడు. పరారీలో ఉన్న ఇద్దరిని పోలీసులు అదుపులోకి తీసుకున్నారు. కేసు నమోదు చేసి దర్యాప్తు ప్రారంభించారు.

గేదెపై అత్యాచారం..
మహారాష్ట్రలోని పుణెలో ఓ దారుణం జరిగింది. దక్కన్​ ప్రాంతంలో శుక్రవారం రాత్రి ఓ గుర్తుతెలియని వ్యక్తి.. గేదెపై అత్యాచారానికి పాల్పడ్డాడు. ఇది గమనించిన స్థానికులు అతడ్ని పట్టుకుని చితకబాది పోలీసులకు అప్పజెప్పారు. నిందితుడు నేపాల్​కు చెందిన వ్యక్తిగా పోలీసులు గుర్తించారు. తీవ్రంగా గాయపడ్డ ఆ వ్యక్తిని చికిత్స కోసం ఆస్పత్రికి తరలించారు.

పశువుల దాణా కోసం వెళ్లిన మహిళ హతం..
పశువుల దాణా తెచ్చేందుకు చెరకు తోటకు వెళ్లిన ఓ నలభై ఏళ్ల మహిళ అదే తోటలో విగతజీవిగా కనిపించారు. ఈ ఘటన ఉత్తర్​ప్రదేశ్​లోని ముజాఫర్​ నగర్​లో జరిగింది. హత్యకు ముందు ఆమెపై నిందితులు సామూహిక అత్యాచారానికి పాల్పడ్డారని కుటుంబసభ్యులు ఆరోపిస్తున్నారు. శాంతను, సోను, రవి, రూప్‌చంద్‌ అనే నలుగురిపై కేసు నమోదు చేసినట్లు పోలీసులు తెలిపారు. అయితే నిందితులు పరారీలో ఉన్నారని వారి కోసం గాలింపు చర్యలు చేపడతామన్నారు.

ఇవీ చదవండి:బంజారాహిల్స్​లో చిన్నారిపై అత్యాచారం కేసు.. నిందితుల కస్టడీకి కోర్టు అనుమతి