'ఏ పార్టీకైనా ఓటేయండి- భాజపాకు మాత్రం వేయకండి'

త్వరలో జరగబోయే ఎన్నికల్లో భాజపాకు ఓటు వేయవద్దని రైతు ఆందోళనలకు నేతృత్వం వహిస్తోన్న సంయుక్త కిసాన్​ మోర్చా బంగాల్​ ప్రజలను కోరింది. తద్వారా రైతు వ్యతిరేక విధానాలను అవలంబిస్తోన్న భాజపాకు గుణపాఠం నేర్పాలని విజ్ఞప్తి చేసింది.

బంగాల్​ అసెంబ్లీ ఎన్నికల్లో భాజపాకు ఓటు వెయొద్దని 40 రైతు సంఘాలతో కూడిన సంయుక్త కిసాన్​ మోర్చా(ఎస్​కేఎమ్​) ఆ రాష్ట్ర ప్రజలకు విజ్ఞప్తి చేసింది. ''మేం ఏ పార్టీకి మద్దతు పలకడం లేదు. ఎవరికి ఓటు వేయాలో చెప్పడం లేదు. భాజపాకు గుణపాఠం చెప్పాలని విజ్ఞప్తి చేస్తున్నాం'' అని ఎస్​కేఎమ్​ నేత యోగేంద్ర యాదవ్​ అన్నారు.

కిసాన్​ మహా పంచాయత్​లు..

బంగాల్​లో కాషాయ పార్టీని ఓడించండంటూ సంయుక్త కిసాన్​ మోర్చా(ఎస్​కేఎమ్​) పత్రికా ప్రకటనను సైతం విడుదల చేసింది. అప్పుడే రైతలు డిమాండ్లకు తలొగ్గి, సాగు చట్టాలను కేంద్ర ప్రభుత్వం వెనక్కి తీసుకుంటుందని పేర్కొంది. మరోవైపు శని, ఆదివారాల్లో కిసాన్​ మహా పంచాయత్​ పేరుతో.. రైతు సంఘాల నాయకులు రాకేశ్​ సింగ్ టికాయిత్​, యుధ్​వీర్​ సింగ్​లు.. బంగాల్​లోని భవానీపుర్​, నందిగ్రామ్​, సింగూరు, అసన్​సోల్​లో జరిగే సభల్లో పాల్గొననున్నారు.

ఇదీ చదవండి:'మోదీకి భయపడే.. రైతు ఉద్యమానికి విపక్షాలు దూరం'