ట్రక్కు కిందపడి యువకుడు బలవన్మరణం

ఓ యువకుడు నడిరోడ్డుపైనే ఆత్మహత్యకు పాల్పడ్డాడు. రోడ్డు దాటేందుకు వెళ్తున్నట్లు నిల్చుని.. హఠాత్తుగా ట్రక్కు వెనక చక్రాల కిందపడి బలవన్మరణం చెందాడు. ఈ ఘటన తమిళనాడులో జరిగింది.

తమిళనాడు చెన్నైలో ఓ యువకుడు కంటైనర్​ కిందపడి ఆత్మహత్య చేసుకున్నాడు. ఈ దృశ్యాలన్నీ స్థానిక సీసీటీవీ కెమెరాలలో నిక్షిప్తమయ్యాయి.

అంతా క్షణాల్లోనే..

కల్యాణ చెట్టి ప్రాంతానికి చెందిన వినోద్​ కుమార్​(25) ఓ ప్రైవేట్​ కంపెనీలో పనిచేస్తున్నాడు. ఇతడు తొలుత.. తిరువొట్టియూర్​-ఎన్నోర్​ ఎక్స్​ప్రెస్​వే కుడివైపు నుంచి అటుగా వచ్చే వాహనాలన్నింటినీ దాటి మధ్యలోకి వచ్చాడు​. ఆ తర్వాత మళ్లీ రోడ్డు దాటేందుకు ప్రయత్నించగా ఇంతలో ఓ కంటైనర్​ రావడం వల్ల వెనక్కి వెళ్లాడు. ఉన్నట్టుండి క్షణాల్లోనే దాని​ వెనకాల చక్రాల కిందపడగా.. అతడిపై నుంచి వెళ్లిందా ట్రక్కు. దీంతో అక్కడిక్కడే ప్రాణాలు కోల్పోయాడు వినోద్​. స్థానిక సీసీటీవీ కెమెరాల్లో ఈ దృశ్యాలు రికార్డయ్యాయి.

వినోద్​ కుమార్​(ఫైల్​)

సమాచారం అందుకున్న పోలీసులు ఘటనా స్థలానికి చేరుకుని.. శవపరీక్ష కోసం మృతదేహాన్ని స్థానిక ప్రభుత్వాస్పత్రికి తరలించారు.

ఇదీ చూడండి:రైలుకు ఎదురెళ్లి బాలుడ్ని కాపాడిన పాయింట్స్​మన్