మిషన్ 2024 పేరుతో భాజపాను ఉమ్మడిగా ఎదుర్కోవాలన్న లక్ష్యంతో అన్ని పక్షాలు ఏకం కానున్నట్లు తెలుస్తోంది. మంగళవారం.. దిల్లీలో ప్రతిపక్షాలు భేటీ కానున్నాయి. సీనియర్ నాయకులు ఎన్సీపీ అధ్యక్షుడు శరద్పవార్, యశ్వంత్ సిన్హాలు సంయుక్తంగా ఈ సమావేశాన్ని ఏర్పాటు చేస్తుండటం ప్రాధాన్యం సంతరించుకొంది.
మారుతున్న సమీకరణాలు..
- ఎన్సీపీ అధినేత శరద్ పవార్.. ప్రముఖ ఎన్నికల వ్యూహకర్త ప్రశాంత్ కిశోర్తో 10రోజుల వ్యవధిలోనే రెండు సార్లు భేటీ కావడం రాజకీయ వర్గాల్లో హాట్ టాపిక్గా మారింది. జాతీయ స్థాయిలో సరికొత్త రాజకీయాలకు ఇది ఆరంభమా? అనే చర్చ మొదలైంది.
- బంగాల్ అసెంబ్లీ హోరాహోరీ పోరులో భాజపాను.. మమతా బెనర్జీ ఓడించడం ప్రతిపక్షాలకు ఉత్సాహాన్నిచ్చింది. అలాంటి పట్టుదలతో ఉన్న పార్టీలన్నీ మంగళవారం నాటి సమావేశంలో పాల్గొనడానికి సుముఖత వ్యక్తంచేసినట్లు సమాచారం.
- ఉత్తర్‌ప్రదేశ్‌లో భాజపాపై ప్రత్యామ్నాయ కూటమిని నిలబెట్టి అక్కడి ఫలితాలను భవిష్యత్తు కార్యాచరణకు వేదికగా మలచుకొనే ఆలోచనతోనే ఈ సమావేశానికి శ్రీకారం చుట్టినట్లు తెలుస్తోంది.
- ఈ సమావేశానికి ఫరూక్ అబ్దుల్లా (నేషనల్‌ కాన్ఫరెన్స్‌), యశ్వంత్ సిన్హా (తృణమూల్‌ కాంగ్రెస్), సంజయ్ సింగ్‌ (ఆప్‌), డి.రాజా (సీపీఐ) వంటి 15 మంది నేతలు హాజరు కానున్నారు.
- వీరితో పాటు మాజీ సీఈసీ ఎస్‌.వై.ఖురేషి, సీనియర్ న్యాయవాది కె.టి.ఎస్‌.తులసి, బాలీవుడ్‌ ప్రముఖులు జావేద్‌ అక్తర్‌, ప్రీతీష్‌ నంది, ప్రముఖ పాత్రికేయుడు కరణ్‌థాపర్‌ తదితరులు దీనికి హాజరవుతారని ఎన్సీపీ అధికార ప్రతినిధి నవాబ్‌ మాలిక్‌ తెలిపారు.
- అయితే మంగళవారం జరిగే ఈ భేటీకీ శత్రుఘ్న సిన్హా, మనీశ్ తివారీ హాజరు కావడం లేదు. వ్యక్తిగత కారణాల వల్లే వారు రాలేకపోతున్నట్లు సన్నిహిత వర్గాలు తెలిపాయి.
తొలుత మోదీ ప్రభుత్వ ప్రజా వ్యతిరేక విధానాలపై ఉమ్మడిగా పోరాటం మొదలుపెట్టి క్రమంగా ఆయనను ఢీకొట్టే నేతను ఎంపికచేసే దిశగా ప్రతిపక్షాలు పయనించే అవకాశం ఉంది.
ప్రతిపక్షాల భేటీ కాదు..