ఓ చిన్న షాంపూ.. పెళ్లినే ఆపేసిందంటే నమ్మగలరా? అవును.. అసోంలో ఇలాంటి ఘటనే జరిగింది. వివాహానికి ముందు వరుడు తరఫు కుటుంబం ఇచ్చే వస్తువుల్లో తక్కువ ధర షాంపూ ఉండటమే వివాదానికి కారణమైంది. ఈ కారణంతో పెళ్లి ఆగిపోయింది.
వివరాల్లోకి వెళ్తే...
బార్పెటా జిల్లాలోని హౌలీ ప్రాంతంలో నివసించే ఓ యువతికి.. పెళ్లి నిశ్చయమైంది. వివాహానికి ముందు వరుడి కుటుంబం.. సంప్రదాయబద్ధంగా కొన్ని వస్తువులను వధువుకు పంపిస్తుంటుంది. అందులో పలు గిఫ్ట్లు, ఇంట్లోకి ఉపయోగపడే వస్తువులను పెట్టి పంపారు వరుడి కుటుంబ సభ్యులు. అప్పటివరకు అంతా బాగానే జరిగింది.
'చీప్ షాంపూ' చిచ్చు.. వివాహాన్నే రద్దు చేసుకున్న వరుడు.. అసలేమైందంటే?
అన్నీ సవ్యంగా జరిగి ఉంటే ఆరు గంటల్లో వివాహం జరిగిపోయేది.... కానీ ఓ చిన్న విషయం వధూవరుల మధ్య చిచ్చు పెట్టింది.. చివరకు వివాహం రద్దు చేసుకునే పరిస్థితికి తీసుకొచ్చింది.. అదేంటంటే..?
When Sunsilk Shampoo destroy a marriage
అయితే, వారు పంపిన వస్తువుల్లో చీప్ క్వాలిటీ షాంపూ ఉందన్న కోపంతో వధువు.. వరుడిపై ఆగ్రహం వ్యక్తం చేసింది. కోపంతో వాట్సాప్లో మెసేజ్ చేస్తూ... 'నీ స్థాయి ఇంతేనా?' అంటూ సందేశం పంపింది. వధువు తీరును చూసి షాక్కు గురైన వరుడు.. వివాహాన్ని వెంటనే రద్దు చేసుకున్నాడు. ఆరు గంటల్లో వివాహం జరగాల్సి ఉండగా.. ఈ నిర్ణయం తీసుకొని ఆశ్చర్యపరిచాడు. డిసెంబర్ 14న ఈ ఘటన జరిగింది.
వరుడు గువాహటికి చెందిన వ్యక్తి. వృత్తిరీత్యా ఇంజినీర్గా పనిచేస్తున్నాడు. వధువు అలా తనను అవమానిస్తూ సందేశం పంపేసరికి.. ఆమెను పెళ్లి చేసుకునేదే లేదని తేల్చి చెప్పాడు. ఇదే విషయాన్ని తన కుటుంబానికి, వధువు కుటుంబానికి స్పష్టంగా చెప్పేశాడు. ఈ విషయం తెలియగానే అమ్మాయి తరఫు కుటుంబం ఆగమేఘాల మీద గువాహటికి వచ్చి సర్ది చెప్పే ప్రయత్నం చేసింది. యువతిని క్షమించి.. యథావిధిగా వివాహం జరిగేలా చూడాలని కోరింది. కానీ, ఈ ప్రయత్నాలేవీ ఫలించలేదు. దీంతో యువతి కుటుంబం.. పోలీసులకు ఫిర్యాదు చేసింది. రంగంలోకి దిగిన పోలీసులు.. వాట్సాప్ సందేశాలను పరిశీలిస్తున్నట్లు తెలిపారు. దీనిపై తదుపరి విచారణ కొనసాగుతోందన్నారు.